48 წლის მამაკაცმა, ავსტრალიაში, საბადოდან ბულდოზერი მოიპარა. BBC-ის ინფორმაციით , მოქალაქემ ნიუკასტლთან ახლოს მოპარული ბულდოზერით ერთ-ერთი საცხოვრებელი სახლი დაანგრია. შემთხვევის დროს სახლში ქალი და 2 გოგონა იმყოფებოდა. მათ სახლიდან გამოღწევა მეზობლის დახმარებით შეძლეს.
პოლიციის ცნობით, მამაკაცმა ორშაბათს დილით გარეუბანში კიდევ ერთი სახლი დაანგრია. ვიდრე სახლს დაეჯახებოდა, სახლის წინ გაჩერებულ მანქანებს გადაუარა. შემდეგ გარაჟისკენ გაემართა. გარაჟში 29 წლის კაცს ეძინა. მას ხმაურზე გამოეღვიძა და ღობისკენ გაქცევა სცადა. მძღოლი მას დაედევნა, ღობე გაანგრია და მეზობლად მდგარი საცხოვრებელი სახლის ეზოში შეიჭრა.
სახლის დანგრევის შემდეგ ბულდოზერი ნანგრევებში ჩაეფლო, რა დროსაც პოლიცია შემთხვევის ადგილზე მოვიდა. ერთ-ერთმა ოფიცერმა ბულდოზერის ფანჯარა ჩაამსხვრია და მძღოლის კაბინაში ცრემლსადენი გაზი გაუშვა. რის გამოც მძღოლმა ქმედუნარიანობა დაკარგა და ის დააკავეს.
დამნაშავის მიერ დანაშაულის ჩადენის მიზეზი ჯერჯერობით უცნობია. ის ახლა ჩარლსტოუნის პოლიციის განყოფილებაში ჰყავთ და სამართალდამცავები ჰკითხავენ.
დამნაშავე მოსალოდნელია მკვლელობის მცდელობისთვის გაასამართლონ.
