ლანჩხუთში ფესტივალ "კავკასია 2015"-ის დასკვნითი კონცერტი გაიმართა, რომელიც საქართველოს ქორეოგრაფიის მოღვაწეთა შემოქმედებითი კავშირისა და პროფკავშირულ-კულტურულ საგანმანათლებლო დაწესებულებების ორგანიზებით გაიმართა.
კონცერტს სახელმწიფო რწმუნებული – გუბერნატორი გურიის მხარეში, გია სალუქვაძე ადგილობრივი ხელისუფლების წარმომადგენლებთან ერთად დაესწრო. ლანჩხუთის მუნიციპალიტეტმა ფესტივალს წელს პირველად უმასპინძლა.
ფესტივალში მონაწილეობა საქართველოს სხვადასხვა რეგიონიდან, პოლონეთიდან, თურქეთიდან, ყაზახეთიდან, სომხეთიდან, მოლდოვადან, ირანიდან და რუსეთის ფედერაციიდან ჩამოსულმა ანსამბლებმა მიიღეს.
"კავკასია 2015"-მა დასავლეთ საქართველოს 8 ქალაქი მოიცვა. ფესტივალის მიზანი საქართველოს, მეზობელი და ევროპული ქვეყნების დაახლოება და კულტურის წარმოჩენა იყო.
მოგვიანებით, კი გუბერნატორი ქალაქ ოზურგეთში, ალექსანდრე წუწუნავას სახელობის სახელმწიფო დრამატულ თეატრში საქართველოს ხელოვნების დამსახურებული მოღვაწის გიორგი სალუქვაძის VI საერთაშორისო ფოლკლორული კონკურს-ფესტივალის დახურვას დაესწრო.
გიორგი სალუქვაძის სახელობის გრან – პრი ქორეოგრაფიაში ფოთის ანსამბლ "ფაზისს" გია სალუქვაძემ გადასცა. გრან-პრი სიმღერაში ოზურგეთის რეგიონალური ფოლკლორის ცენტრის ტრადიციული სიმღერა-გალობის სკოლის ვაჟთა ჯგუფმა – ანსამბლმა "დილა" მოიპოვა.
დასკვნით კონცერტში ოზურგეთის, ჩოხატაურის, ფოთის, ბათუმისა და ლიტვის ანსამბლები მონაწილეობდნენ.
