ამერიკული სამაუწყებლო კომპანია, CNN-ი ქართულ მრავალფეროვან კულტურისა და საქართველოს ულამაზესი ადგილების შესახებ საუბრობს.
"გურია ნიუსი" გამოქვეყნებული სტატიის თარგმანს გთავაზობთ:
"ევროპის კონტინენტის მიმართულებით, საქართველო არის იდუმალებით მოცული ქვეყანა. მას ჩრდილოეთით – კავკასიონის მთები, დასავლეთით – შავი ზღვა, ხოლო სამხრეთით – მშრალი უდაბნოები აკრავს. პატარა ქვეყანა, რომელიც ესაზღვრება რუსეთს, აზერბაიჯანს, სომხეთსა და თურქეთს კულტურათა გზაჯვარედინზე მდებარეობის გარდა, მდიდარია სანახაობრივი პეიზაჟებით.
ბევრს შეიძლება, ის, ამერიკის შეერთებული შტატების ამავე სახელწოდების შტატი (GEORGIA) ეგონოს, მაგრამ საქართველო სწრაფად ხდება ევროპის მიმართულებით ერთ-ერთი პოპულარული ადგილი," _ აღნიშნულია სტატიაში.
CNN -ი გთავაზობთ ცხრა მიზეზს, თუ რატომ უნდა ეწვიოთ საქართველოს:
1. თბილისი-ეკლექტიკური დნობის ფოტოფირი
"თბილისი შთაგონების ქალაქია. ძველი თბილისის რაიონში მდებარე ჩამოკიდებული აივნების ნანგრევებით,სპარსული სტილის აბანოებით,რომლებიც ფირუზის მოზაიკითაა მოწყობილი და იქვე მდებარე ფუტურისტული მინის კონსტრუქციებით.
საქართველოს დედაქალაქს მდინარე მტკვარი შუაზე ჰყოფს და სამივე მხრიდან მთები აკრავს.
არქეოლოგების მიერ აღმოჩენილი თბილისის დასახლების კვალი მე-4 ათასწლეულით თარიღდება.
აბრეშუმის გზაზე მისი მდებარეობა ქალაქის ეთნიკურ მრავალფეროვნებასა და ეკლექტიკურ არქიტექტურაში, მულტიკულტურულ კერაში აისახა.
აბანოთუბანის აბანოები სპარსულ ტრადიციებს იცავს, მხოლოდ თბილი წყალია ბუნებრივი.
თბილისის სახელწოდება, ცხელი გოგირდოვანი წყლის გამო, ძველი ქართული სიტყვა "თბილი"-დან წარმოსდგება.
აბანოთუბანში სეირნობისას ნახავთ ძველ ქართულსა და სომხურ ეკლესიებს, ასევე მეჩეთსა და სინაგოგას, გარდა ამისა, ზოროასტრიული ცეცხლის ტაძრის ნანგრევებსაც მოინახულებთ, "_აღნიშნულია CNN-ის მიერ გამოქვეყნებულ სტატიაში.
მაუწყებლის ცნობით, თბილისის მულტიკულტურული გარემო სრულად არის წარმოდგენილი თბილისის საერთაშორისო ფესტივალზე, რომელიც 25 სექტემბრიდან 8 ოქტომბრის ჩათვლით იმართება.
2.უშგული – ევროპის ყველაზე მაღალი დასახლება
"უშგული კავკასიონის მთებში ზღვის დონიდან 2 200 მეტრის სიმაღლეზე მდებარეობს და ევროპის უმაღლეს ადგილას მუდმივად დასახლებული სოფელია.
საქართველოს უმაღლეს წერტილში, მთა შხარას ძირში, მდებარე უშგულის ყოველი სახლის ისტორია არის შუა საუკუნეების თავდაცვით კოშკებთან დაკავშირებული.
მესტიის საკურორტო ზონად გადაქცევამ ხელი შეუწყო უშგულს, რომელიც ცუდი გზების გამო გარემოს მოწყვეტილი იყო, სიცოცხლე შეენარჩუნებინა."_იუწყება CNN-ი.
მისივე უწყებით, უშგული და ზემო სვანეთის რეგიონები იუნესკო-ს მსოფლიო მემკვიდრეობის ძეგლთა სიაშია.
3. ღვინის სამშობლო
"როდესაც ღვინოზე და მის წარმოშობაზე ვფიქრობთ, ვახსენებთ საფრანგეთს, იტალიას, საბერძნეთსა თუ სპარსეთს, მაგრამ საქართველო ერთ-ერთი მსოფლიოს უძველესი ღვინის რეგიონია.
2003 წელს არქეოლოგებმა იპოვეს მტკიცებულება, რომ 8 000 წლის წინ ქვის ხანის ადამიანი აქ ღვინოს აყენებდა.
მას შემდეგ ღვინომ საქართველოს ეროვნულ იდენტობაზე ზეგავლენა იქონია.
იუნესკო-ს კულტურულ მემკვიდრეობათა სიაშია თიხის ჭურჭელი, ქვევრი, რომელშიც ღვინო ტრადიციულად დუღს და ინახება.
საქართველოში ასობით მკვიდრი ვაზის ჯიში არსებობს, თუმცა ზოგიერთი ხელნაკეთი ჯიში არ არის სასიამოვნო. ქართული ღვინო ნელ-ნელა მსოფლიოს მასშტაბით აღიარებას იძენს. საქართველოში შესანიშნავი ვენახებია გაშენებული და უმაღლესი ხარისხის ღვინოს აწარმოებენ.
კახეთის რეგიონში წითელ ღვინოს მუხის კასრებში ამზადებენ,როგორიცაა თელიანი ველი."_წერია სტატიაში.
მაუწყებლის ინფორმაციით, საბჭოთა დიქტატორი,იოსებ სტალინი, რომელიც წარმოშობით ქართველი იყო, ხვანჭკარას მოყვარული გახლდათ.
4.იდუმალებით მოცული კლდეში ნაკვეთი ქალაქები
"ევროპის მასშტაბით, საქართველოში მდებარეობს რამდენიმე ყველაზე უჩვეულო მღვიმე-გამოქვაბული, რის სანახავადაც ღირს მარტო ქვეყანაში ჩამოსვლა.
უძველესი გამოქვაბულია უფლისციხე, რომელიც მთვარის ლანდშაფტს ჰგავს.
ასევე დიდი სამონასტრო კომპლექსია კლდეში ნაკვეთი დავით გარეჯი და ვარძია, მიწისქვეშა ქალაქი, სადაც ერთ დროს 2 000 ბერი ცხოვრობდა", _ აღნიშნულია CNN-ის მიერ გამოქვეყნებულ ინფორმაციაში.
5.სუფრა-ქართული ტრადიციული კერძები
"ტრადიციული კერძები არის ქვეყნის გაცნობის საუკეთესო გზა. თუ თქვენ ქართულ სადღესასწაულო სუფრასთან არ მოხვედრილხართ, ე.ი. საქართველო არ განგიცდიათ.
ადგილობრივ ყველიან პურს ხაჭაპური ეწოდება, ყველაზე ცნობილია აჭარული კუთხის ხაჭაპური, რომელსაც ნავის ფორმა აქვს, შიგთავსი "სულგუნის ყველითაა გამოტენილი და ზემოდან კვერცხის გული აქვს დახლილი. იმდენად გემრიელია, რომ გულს გააჩერებს.
აღსანიშნავია, ასევე ხინკალიც, რომლის შიგთავსიც შეკმაზული ხორცია და მოხარშულს წვენი გასდის.
კიდევ მრავალი სახის დელიკატესი არსებობს, როგორიცაა: ლობიო, ქაბაბი, ნიგვზით შეზავებული სალათები და, რა თქმა უნდა, ქართული ღვინო", _ აღნიშნავს CNN.
6.შორეული მაღალმთიანი სოფლები
"კავკასიონის მთებში, თუშეთისა და ხევსურეთის სოფლებში ჯერ კიდევ უძველესი წარმართული ტრადიციებია შემორჩენილი.
აქ გზები ადრენალინს ზრდის.ციხე მუცოს ნანგრევები შატილის ხევსურეთში ჰგავს თოლკეინის მიერ აღწერილს.
ისინი ისე ახლოს არიან ჩეჩნეთთან მესაზღვრეებს შეხვდებით.
თუშეთის კასეტურ თემებში, როგორიცაა საქართველოს შანგრი ლა ძველი კოშკები,ეკლესიები,სოფლები და ულამაზესი მთის პეიზაჟები,ველური ყვავილები და ხეები ოქროს პეიზაჟებს ქმნის.
თუშეთი ცნობილია სტუმართმოყვარეობით", _ აღნიშნულია მაუწყებლის მიერ გამოქვეყნებულ ინფორმაციაში.
7.ევროპის ყველაზე ირეალური მუზეუმი
მაუწყებლის ინფორმაციით, გორში, სტალინის სახელობის მუზეუმს, ისტორიის გაყალბებისთვის აკრიტიკებენ.
"თქვენ ასევე უნდა ეწვიოთ გორში, სტალინის მშობლიურ ქალაქში, იოსებ სტალინის უცნაურ მუზეუმს.
ალბათ, იცით, რომ სტალინი,როგორც დიქტატორი მილიონობით ადამიანის სიკვდილზეა პასუხისმგებელი, მაგრამ მის მშობლიურ ქალაქში სიამაყის გრძნობა აქვთ,რომ "ადგილობრივმა ბიჭმა" კარგი გააკეთა.
"აქ არ საუბრობენ რეპრესიებზე, მაგრამ მუზეუმის დათვალიერებისას ნახავთ მის ნახატებს,მათ შორის ერთ-ერთი ლიდერი საკუთარ თავს ხმას როგორ აძლევს, ასევე სხვადასხვა ქანდაკებებს, ნიღბებს, ფრესკებს, ხალიჩებს, მის პირად მწვანე ვაგონს და მისი ბავშვობის ოთახს, რომელიც იდეალურ მდგომარეობაშია შემონახული.
მუზეუმს "ისტორიის ფალსიფიკაციის"და "საბჭოთა პროპაგანდის" გამო აკრიტიკებენ", _ნათქვამია CNN-ის მიერ გამოქვეყნებულ სტატიაში .
მუზეუმის გარდაქმნა დაიგეგმა,თუმცა ჯერჯერობოთ ის შემოიფარგლება პატარა ფარული ოთახით შესასვლელში.
8.ლამაზი და უძველესი ეკლესია-მონასტრები
"საქართველო 324 წელს გაქრისტიანდა და ქვეყანა სავსეა ულამაზესი ეკლესიებით და წარმოუდგენელ ადგილას მდებარე ტაძრებით.
მიუხედავად იმისა, რომ იუნესკო-ს მსოფლიო მემკვიდრეობის ძეგლებს წარმოადგენს მცხეთის სვეტიცხოვლის საკათედრო ტაძარი და ქუთაისის ბაგრატის ტაძარი,მაგრამ მაინც ვერ ახერხებს დახატოს სრული სურათი,"_იუწყება CNN-ი.
მაუწყებლის ცნობით, ყაზბეგში მსოფლიოში ერთ-ერთი ყველაზე სანახაობრივი მარათონი იმართება. თქვენ შეგეძლებათ 2015 წლის 5 სექტემბერს უგულშემატკივროთ წლევანდელ მარათონის მორბენლებს.
9.ხალხი და ქართული სტუმართმოყვარეობა
"ქართველებისთვის სტუმარი წმინდა რამეა. მათი სტუმართმოყვარეობა და პატივისცემა უხვად გაშლილ სუფრასა და სადღეგრძელოებში გამოიხატება .
როგორც საქართველოში იტყვიან -გაუმარჯოს!"_წერია სტატიაში.
