დეპუტატი ჩხაიძე: მხარს დავუჭერ მერაბ ჟორდანიას

საპარლამენტო უმრავლესობის წევრი ლანჩხუთის მაჟორიტარი დეპუტატი თემურ ჩხაიძე „გურია ნიუსთან“ საუბრისას ამბობს, რომ ფეხბურთის  ფედერაციის ერთ-ერთ კანდიდატს, მერაბ ჟორდანიას მხარს დაუჭერს.
„რა თქმა უნდა, როგორც მეგობარს, ახლობელს მხარს დავუჭერ. სხვა არაფერი შემიძლია, რადგან ხმის მიცემის უფლება მე არ მაქვს, _ გვითხრა ჩხაიძემ. რომლის თქმით, ჟორდანია კარგი ხელმძღვანელი  იქნება. მთავარია, ფეხბურთი გაერთიანდეს და ვიფიქროთ მრგვალი ბურთის ირგვლივ.
_ ფიქრობთ, რომ მრგვალ ბურთს ყველაზე უკეთ მერაბ ჟორდანია დაიკავებს?
_ მერაბი საკმაოდ გამოცდილი კაცია, თუმცა, ვფიქრობ, რომ მთავარია არა კონკრეტული სახელი და გვარი, არამედ ის იდეა, რომ ფეხბურთი თავის სიმაღლეზე იდგეს.
_ თქვენ საკმაოდ კარგი ურთიერთობა გაქვთ ბიძინაივანიშვილთან. ხომ არ აპირებთ თქვენს მეგობარ ჟორდანიას ყოფილ პრემიერთან რეკომენდაცია გაუწოთ?
_ დარწმუნებული ვარ, არც ივანიშვილი და არც სხვა ამ საქმეში არ ჩაერევა. ეს ამ სფეროს წარმომადგენლების გადასაწყვეტია.
_ ბატონო თემურ, ამბობენ, ჟორდანიას გაპრეზიდენტების შემთხვევაში, შევარდნაძი ს დრო დაბრუნდება…
_ სასაცილოა, რა შუაშია ფეხბურთის ფედერაციის პრეზიდენტთან პოლიტიკა, რა შევარდნაძის დრო.
_ პოლიტიკა და ფეხბურთი გამიჯნულია?
რა თქმა უნდა. მაშინ, როცა ვმუშაობდი და გამათავისუფლეს, ერთ-ერთი „მოტივი ის იყო, რომ თითქოს პოლიტიკაში ვერეოდი, რაც აბსურდია. არასდროს ჩავრეულვარ, რადგან პოლიტიკა და ფეხბურთი სხვადასხვა რამეა
ჩვენი ხელისუფლებაში  ყოფნის დროს ორი არჩევნები ჩატარდა _  ჭიდაობასა და კალათბურთში, ორივეგან  აირჩიეს ისინი, ვინც უნდა არჩეულიყვნენ და არც ერთ მათგანში ხელისუფლება არ ჩარეულა. ამ , მხარს ვუჭერ ჩემს მეგობარს პიროვნულად და არა პოლიტიკურად. „კობიობა“, „მერაბიობა“, „ნემსოობა“, უნდა დამთავრდეს. კიდევ ერთხელ ვიმეორებ, რომ ყველანი უნდა გავერთიანდეთ და ყველაფერი გავაკეთოთ, რომ ქართულმა ფეხბურთმა თავისი სიტყვა თქვას მსოფლიოში, _ გვითხრა თემურ ჩხაიძემ