მობილურ ტელეფონებზე WHATS APP-ის მომხმარებლებს მიუვიდათ არასწორი შეტყობინება, რომ 28 აგვისტოს ღამეს მარსის დედამიწას მოუახლოვდება და მისი რადიაციული გამოსხივება ნეგატიურად აისახება. რის გამოც, მობილური ტელეფონების გამოყენებას უნდა მოერიდნონ. აღნიშნულ ინფორმაციას MICROFINANCEMONITOR-ი ავრცელებს.
გამოცემის ცნობით, აღნიშნული ინფორმაცია მარსის დედამიწასთან მოახლოების შესახებ რეალობას არ შეესაბამება.
"NASA ყველა მომხმარებელს აფრთხილებს ტელეფონებს მოშორდნენ, ამის მიზეზი მარსის დედამიწასთან მოახლოების გამო მაღალი რადიაციული გამოსხივებაა," _ წერია შეტყობინებაში.
როგორც ცნობილია, მსგავსი ხუმრობა ელექტრონული ფოსტის მეშვეობით აგვისტოს თვეში ხშირად ვრცელდება და 2005 წლიდან NASA მსგავსი ტიპის ხუმრობებზე აღარ რეაგირებს.
გამოცემის ინფორმაციით, 2005 წლის 7 ივლისს გაიგზავნა შეტყობინება, რომ მარსი და დედამიწა გაერთიანდებოდნენ და ეს ისტორიული მოვლენა იქნებოდა. გარდა ამისა ვრცელდებოდა ინფორმაციაც, რომ მარსი სავსე მთვარესავით დიდია. 27 აგვისტოს ორი მთვარე იქნება, ხოლო ვინც ამ მოვლენას ნახავდა ცოცხალი ვერ გადარჩებოდა.
ასევე ვრცელდებოდა ინფორმაციაც, რომ მარსი დედამიწასთან 56 მილიონი კილომეტრით ახლოს იყო და უახლოეს მომავალში შეუიარაღებელი თვალით შესაძლებელი გახდებოდა მისი დანახვა, ხოლო მსგავსი მოვლენა 2287 წლამდე აღარ განმეორდებოდა.
გამოცემის ცნობით, NASA -მ მსგავსი ტიპის შეტყობინებებს დიდი ხუმრობა უწოდა, რასაც დასაბამი სავარაუდოდ 2003 წლის 27 აგვისტო გახდა, როდესაც მარსის ზომა ჩვეულებრივზე დიდი აღმოჩნდა.
როგორც ცნობილია, მარსი დედამიწას 60 000 წელიწადში ერთხელ უახლოვდება.
იმის გათვალისწინებით, რომ დედამიწასა და მარსს შორის დიდი დისტანციაა, მარსი შეუძლებელია მთვარესავით დიდი გამოჩნდეს, მაშინაც კი თუ ტელესკოპით ძალიან მივუახლოვდებით.
