დღეს, NDI-მ და „CRRC-საქართველომ“ საზოგადოებრივი აზრის კვლევის შედეგები წარადგინეს. გამოკითხვა, ძირითადად, ადგილობრივი მნიშვნელობის საკითხებსა და თვითმმართველობის ინსტიტუტების საქმიანობის შეფასებას ეხებოდა.
კვლევის სამუშაოები 8 აგვისტოდან 10 სექტემბრის პერიოდში ჩატარდა. საქართველოს მასშტაბით 4 448 ადამიანი, პირისპირ ინტერვიუს წარმომადგელობითი შერჩევის საფუძველზე გამოიკითხა.
NDI-ს კვლევების თანახმად, გამოკითხულ ოზურგეთელთა 19 პროცენტს მიაჩნია, რომ საცხოვრებელი პირობები მათ ქალაქში/სოფელში გაუმჯობესდა, 54 პროცენტი ფიქრობს, რომ იგივე დარჩა, 28 პროცენტის აზრით კი _ გაუარესდა.
ოზურგეთელთა 87 პროცენტი ფიქრობს, რომ მისი ქალაქი/სოფელი საცხოვრებლად უსაფრთხო ადგილია, 12 პროცენტი საწინააღმდეგო მოსაზრებისაა, 2 პროცენტმა კი არ იცის, უსაფრთხოა თუ არა მისი ქალაქი თუ სოფელი.
ოზურგეთელთა 62 პროცენტის აზრით, მისი ქალაქი/სოფელი კარგი ადგილია ბავშვის აღსაზრდელად, 33 პროცენტი კი ამ მოსაზრებას არ ეთანხმება.
იმ მოსაზრებას, რომ მისი ქალაქი/სოფელი რომ სათანადო დასაქმების საშუალებას იძლევა, ეთანხმება ოზურგეთელთა 13 პროცენტი, არ ეთანხმება _ 83 პროცენტი, 6-მა პროცენტმა კი არ იცის ამის შესახებ.
ოზურგეთელების 30 პროცენტი ფიქრობს, რომ არჩეული თანამდებობის პირებს მისი ქალაქი/სოფელი სწორი მიმართულებით მიჰყავს, 42 პროცენტს არ სჯერა ამის, 27-მ პროცენტმა კი _ არ იცის.
მის ქალაქში/სოფელში არსებული გამწვანებული სივრცეების, ბაღების და სკვერების მდგომარეობით გამოკითხულ ოზურგეთელთა 16 პროცენტი კმაყოფილია, 42 პროცენტი _ უკმაყოფილო, 25 პროცენტის თქმით კი, მის ქალაქში/სოფელში მსგავსი ადგილები საერთოდ არ არსებობს.
წყლის სისუფთავეს გამოკითხულ ოზურგეთელთა 72 პროცენტი ენდობა, 22 კი _ არა.
ოზურგეთის მერის ბეგლარ სიორიძის საქმიანობას გამოკითხულ ოზურგეთელთა 21 პროცენტი დადებითად აფასებს, 35 პროცენტი _ საშუალოდ, 13 პროცენტი _ ცუდად, 29 პროცენტმა კი მერის საქმიანობის შესახებ არაფერი იცის.
ოზურგეთის საკრებულოს თავმჯდომარის გელა კობალაძის საქმიანობას გამოკითხულ ოზურგეთელთა 14 პროცენტი დადებითად აფასებს, 27 პროცენტი _ საშუალოდ, 7 პროცენტი _ ცუდად, 6 პროცენტმა კი მერის საქმიანობის შესახებ არაფერი იცის.
