საყდრისის დაცვის კომიტეტი ეხმაურება ტელეკომპანია "რუსთავი 2" – ის გარშემო განვითარებულ მოვლენებს და მხარს უჭერს ტელევიზიის შეუფერხებელ სრულფასოვან ფუნქციონირებას.
"მიგვაჩნია, რომ ხელისუფლების მიმართ კრიტიკულად განწყობილი მედიის არსებობა აუცილებელია გარდამავალი დემოკრატიის მქონე საქართველოსთვის, საყდრისის გარშემო განვითარებული მოვლენებიდან ცალსახად გამოჩნდა, რომ ხელისუფლება ჯერ კიდევ ძალადობს მედიაზე, ირღვევა ადამიანის უფლებები, დაუცველი და გაურკვეველია კულტურული მემკვიდრეობის ბედი.
ხანგრძლივი პერიოდის განმავლობაში რუსთავი 2 ყველაზე ობიექტურად და მაღალპროფესიულად აშუქებდა საყდრისთან დაკავშირებულ მოვლენებს: პრესკონფერენციებს, საპროტესტო აქციებს და სასამართლო პროცესებს,რისთვისაც კომიტეტი მადლობას უხდის ტელეკომპანიას და სრულ მხარდაჭერას უცხადებს მთელ მის გუნდს.
ჩვენ ასევე შეშფოთებას გამოვთქვამთ იმის გამო. რომ კვლავ გრძელდება ოპონენეტების დაშანტაჟების მცდელობები. ეს სამწუხარო ფაქტი კიდევ ერთხელ მიუთითებს იმაზე, რომ არც ერთი ჩვენგანი არ არის დაცული მსგავსი ძალადობისაგან.
საყდრისის დაცვის კომიტეტს მიაჩნია, რომ საქართველოში მედიის თავისუფლების და პლურალიზმის განვითარებისთვის აუცილებელია ხელი არ შეეშალოს მედია საშუალებების ნორმალურ ფუნქციონირებას, თუნდაც ისინი კრიტიკულად იყვნენ განწყობილნი ხელისუფლებისადმი! _ აღნიშნულია კომიტეტის მიერ გავრცელებულ განცხადებაში.
