ოზურგეთის მუნციპალიტეტის სოფელ ლიხაურში რუბენ და ნარევა ქაშანიების მრავალსულიანი ოჯახი სხვის სახლში ცხოვრობს. ოჯახის დიასახლისი ნარევა "გურია ნიუსთან" ამბობს, რომ სახლი სადაც ცხოვრობენ დროებით, ავარიულ მგომარეობაშია, სახურავი სიძველის გამო დამპალია, აწვიმთ, ათოვთ, აქვთ იატაკის პრობლემა, რომელიც შესაძლოა, ყოველ წუთს ჩავარდეს. რაც ყველაზე მთავარია, ქაშანიების ოჯახში 10 წლის შეზღუდული შესაძლებლობების მქონე პირი ცხოვრობს, ოჯახი კი მხოლოდ 10 წლის ლუკა ქაშანიას პენსიის იმედზეა ყოველ თველთვიურად.
ქაშანიების მეზობელი ნანა ცეცხლაძე აღნიშნული ოჯახის გაჭირვების შესახებ ჰყვება:
"პირველი, რაც შესამჩნევია, არის ის რომ ბავშვი ჰყავთ შეზღუდული შესაძლებლობების მქონე, რომელიც აუცილებელ რეაბილიტაციას საჭიროებს. მათ ნამდვილად სჭირდებათ დახმარება ბავშვის სამკურნალოდ, ამის ეკონომიური საშუალება კი არ გააჩნიათ. ცხოვრობენ სხვის სახლში, მათ საკუთარიც კი არ აქვთ, თუ კი ვინმე გამოიჩენს კეთილ ნებას და ოჯახს რაიმე სახით დახმარებას გაუწევს, ძალიან კარგი იქნება" _ ამბობს ნანა ცეცხლაძე.
ნარევა ქაშანია: "სახლ-კარი არ გვაქვს, წლების განმავლობაში შეკედლებულები ვართ სხვის ოჯახში, ხან ვისთან, ხან ვისთან, მეუღლე უმუშევარია, ასევე ჩემი 25 და 26 წლის შვილები დაუსაქმებელნი არიან, ვშრომობთ ფიზიკურად და ჯამაგირზე, დღეში 10 – ან 5 ლარად.
10 წლის ლუკას კი ცერებრალური დამბლა აქვს, სკოლაში მიჰყავს სამარშრუტო ტაქსს, სოციალური დახმარება ერთი წელია მოხსნილი გვაქვს. შეიძლება ჩვენნაირ ეკონომიურად გაუსაძლისი პირობების მქონე ოჯახს სოციალური დახმარება არ ჰქონდეს? ესაა სახელმწიფო? არავინ ამბის მკითხავი არაა! ბავშვს თავისით გადაადგილება უჭირს, მე ვერ ვტოვებ, რომ სადმე წავიდე სამუშაოდ, თუნდაც თურქეთში. ამდენი სული თავს ბავშვის პენსიით ვირჩენთ, ეს ფული მას წამლებში სჭირდება, ოპერეცია საზღვარგარეთ კეთდება, დახმარებისითვის მივმართე გამგეობას და 150 ლარით დამეხმარნენ ერთჯერადი დახმარებით, ეს იყო სულ.
ბავშვის ყოველთვიურად ძალიან ბევრი რამ სჭირდება: ვარჯიშები წამლები, საჭმელი, არანაირი შემოსვალი არ გვაქვს, ძალიან გვჭირდება დახმარება, ძალიან"– -ამბობს ნარევა ქაშანია.
ლიხაურში ოზურგეთის მუნიციპალიტეტის გამგებლის წარმომადგენელის, მერაბ სალუქვაძის ინფორმაციით, აღნიშნულ ოჯახს ოზურგეთის მუნიციპალიტეტი შეძლებისდაგვარად ყოველთვის უწვეს დახმარებას:
"ბატონი მერაბ ჭანუყვაძეც ბრძანდებოდა ამ ოჯახის მოსანახულებლად, საჩუქრებიც მივუტანეთ 10 წლის ლუკას, ერთჯერადი დახმარებითაც დავეხმარეთ, უყურადღებოდ არსადროს ვტოვებთ, ყველანაირად გვერდში ვუდგავართ"_ აცხადებს სოფლის გამგებელი.
