საქართველოს პრემიერ-მინისტრის ირაკლი ღარიბაშვილი გუშინ გავრცელებულ ჩანაწერებს, რომლებშიც სააკაშვილის ბოკერიას და გვარამიას საუბარია ასახული საგანგებო ბრიფინგით გამოეხმაურა:
_ გუშინ გავრცელდა ოდესის გუბერნატორის, ყოფილი პრეზიდენტის მიხეილ სააკაშვილის, ეროვნული უშიშროების საბჭოს ყოფილ მდივანს, გიგა ბოკერიასა და რუსთავი 2-ის გენერალურ დირექტორის, ნიკა გვარამიას შორის საუბრების ჩანაწერები.
შეუძლებელია არ შეგაძრწუნოს იმ ცინიზმმა და გულგრილობამ, რომელსაც იჩენენ ის პირები, რომლებსაც ოდესღაც ჩვენი ქვეყნის ბედი ებარათ.
ეს არის კიდევ ერთი მაგალითი, რამდენად ამორალურია მათი მიდგომა ზოგადად პოლიტიკის და ჩვენი ქვეყნის, ჩვენი სამშობლოს და ჩვენი ხალხის ბედისადმი.
ეს ის ხალხია, ვინც ფიგურირებს ამ ჩანაწერებში. არბევდა მშვიდობიან დემოსტრანტებს, ვინც სასტიკად უსწორდებოდა ოპონენტებს, ვინც არბევდა ტელევიზიებს,მათ შორის იმედს და სხვებს, ვინც ბიზნესმენებისა და რიგითი მოქალაქეებისგან ფულის გამოძალვით იყო დაკავებული, ვინც ციხეში შექმნა ისეთი სისტემა, რომელმაც საქვეყნოდ ლაფში ამოსვარა ჩვენი ქვეყნის სახელი.
მათ ჯერაც ვერ გააცნობიერეს, რომ საქართველოში დამკვიდრდა დემოკრატია და დღეს ჩვენი სახელმწიფო არის ბევრად უფრო ძლიერი, იმაზე მეტად ძლიერი ვიდრე ეს ვინმეს წარმოუდგენია. ყველა სამსახური მუშოაბს 24 საათის განმავლობაში, რომ მაქსიმალურად დავიცვად თითოეული მოქალაქის უსაფრთხოება.
მე გუშინ მქონდა ოპერატიული თატბირი, ჩვენ სიტუაციას სრულად ვფლობთ და ვაკონტროლებთ.
მივმართავ ყველას, გთხოვთ, შეინარჩუნეთ სიმშვიდე. ჩვენ ამაზე მაღლა უნდა დავდგეთ. განსხვავებული პოლიტიკური შეხედულებების მიუხედავად, ჩვენ ყველანი ერთად უნდა დავდგეთ და არ დავუშვათ არეულობა, ამას სახელმწიფო არ დაუშვებს.
პირობას გაძლევთ, ჩვენი სამართალდამცავები გამოიძიებენ ამ საკითხს ბოლომდე, ნებისმიერ პროვოოკაციას აღკვეთენ და გაანეიტრალებენ და მიიღებენ ყველა საჭირო ზომას სახელმწიფოს დასაცავად.
მესმის ეს აღშფოთება, რადგან მეც კი მიჭირს ამ საშინელ ქმედებებზე ემოციების გარე განცხადებების გაკეთება, მაგრამ დღეს თავშეკავება გვმართებს.
მინდა კიდევ ერთხელ მოვუწოდო ყველა მხარეს – საქართველოშიც და საზღვარგარეთაც: თავი შეიკავეთ ამ პროცესის პოლიტიზებისგან და მართლმსაჯულების სისტემაზე ზეწოლისგან.
სასამართლო დღეს არის დამოუკიდებელი და თავისუფალი. მიეცით სისტემას მუშაობის საშუალება. მიეცით სასამართლოს და მოსამართლეს მიიღოს დამოუკიდებელი და ობიექტური გადაწუყვეტილება ნებისმიერ საკითხზე.
ხელისუფლება უპირობოდ უჭერს მხარს მედიის თავისუფლებას ჩვენს ქვეყანაში. მიუხედავად იმისა, რა შედეგებით დამთავრდება რუსთავი 2-თან დაკავშირებული სასამართლო დავა, საქართველოს ყავს და ეყოლება თავისუფალი მედია.
მათ კი, ვინც გეგმავს ჩანაწერების მიხედვით დადგმულ შესაძლო შეთქმულებაში მონაწილეობას, მივმართავ კატეგორიულად: კარგად დაფიქრდით, უნებურად არ აღმოჩნდეთ ბრმა იარაღი ვიღაცის ბინძურ გეგმებში.
სახელმწიფო და პირადად მე, ვიქნები გარანტი, რომ თითოეული მოქალაქის უსაფრთხოება იქნება დაცული, ჟურნალისტის და ნებისმიერი მოქალაქის.
ვინც დღეს ჩვენს საზოგადოებაში განხეთქილების შეტანას ცდილობს, ვინც ჩვენი სახელმწიფოს წინააღმდეგ ცდილობს ან გეგმავს რაიმე პროვოკაციას, ისინი იქნებიან უმკაცრესად დასჯილი.
ჩვენ უნდა ავაშენოთ ისეთი ქვეყანა, სადაც პოლიტიკური ლიდერები ვერ დაუპირისპერებენ საქართველოს მოქალაქეებს და ვერცერთი დღეს საქართველოში ვერ დაგეგმავს ვერანაირ პროვოკაციას. ყველა ადამიანი იქნება გამოვლებნილი და უმკაცრესად დასჯილი.
ჩვენ ყველას ერთი სამშობლო გვაქვს, ჩვენ ერთად უნდა ვიცხოვროთ, მიუხედავად ჩვენი პოლიტიკური შეხედულებისა. ამიტომ დავდგეთ ამ პროვოკაციებთან სიძულვილზე მაღლა და ერთად შევქმნათ მშვიდობიანი მომავალი, _ განაცხადა ღარიბაშვილმა.
