ერთ-ერთი ინტერნეტგამოცემის ვებგვერდზე დღეს გავრცელდა ინფორმაცია, რომ რომან გოცირიძე უკრაინის ეკონომიკის მინისტრად დაინიშნა. ვებგვერდი წყაროდ ასახელებდა თვით გოცირიძის ფეისბუქის გვერდს და უცვლელად მოჰყავდა გოცირიძის პოსტი.
"მეგობრებო, დღეს უკრაინის ეკონომიკის მინისტრობა შემომთავაზეს. რამდენიმე წუთიანი ფიქრის და ოჯახის წევრებთან გასაუბრების შემდეგ, დავეთანხმე ამ შემოთავაზებას. ერთის მხრივ, ამაყი ვარ, რომ ჩვენმა მეგობარმა ქვეყანამ ასეთი ნდობა გამომიცხადა. მეორეს მხრივ, მიმძიმს საქართველოს დატოვება. ხვალ მივემგზავრები კიევში და შემდეგ პოსტს იქიდან მოგწერთ.
P. S. პირველი, ვინც ეს შემოთავაზება მომილოცა, საქართველოს პრეზიდენტი – მიხეილ სააკაშვილი იყო!. "-წერდა გამომცემლობა.
რომან გოცირიძე ამტკიცებს, რომ ვებგვერდმა მისი ყალბი პროფილი შექმნა და მისი სახელით შექმნილი ყალბი პოსტი გამოაქვეყნა.
"ამ ინტერნეტსაიტს მედიასიტი ჰქვია. შექმნა ჩემი ფეიდბუკგვერდის ყალბი ასლი და ავრცელებს და ავრცელებს ინფორმაციას უკრაინაში ეკონომიკის მინისტრად ჩემი დანიშვნის შესახებ. რას მერჩიან. ჩემმა მტერმა იმუშაოს იაცენიუკთან:)
ძალიან ბოროტი ხალხია. როგორც ჩანს, გაიგეს, რომ სავალუტო ფონდის ვიცე-პრეზიდენტად განიხილება ჩემი კანდიდატურა და რაღაცნაირად უნდათ, რომ ხელი შემიშალონ.
ვერ მოგართვით:"– წერს გოცირიძე.
