საქართველოს საკონსტიტუციო სასამართლოს თავმჯდომარემ ორ თვეში შემოსავლის სახით 37468 ლარი მიიღო, რაც თვეში 18734 ლარია. აღნიშნული თანხა ზაზა თავაძემ საქართველოს საკონსტიტუციო სასამართლოს თავმჯდომარის პოსტისთვის 2016 წლის 31 ოქტომბრიდან ამავე წლის 31 დეკემბრამდე მიიღო.
ამის შესახებ ქონებრივ დეკლარაციაში წერია, რომელიც საჯარო სამსახურის ბიუროს ვებ-გვერდზე 2017 წლის 25 მაისს გამოქვეყნდა.
დეკლარაციის თანახმად, ზაზა თავაძეს 2016 წლის განმავლობაში, ჯამში 129 628,34 ლარის შემოსავალი მიიღო. კერძოდ, საკონსტიტუციო სასამართლოს თავმჯდომარის მოადგილეობისთვის 2016 წლის იანვრიდან ოქტომბრის ჩათვლით 92 159,50 ლარი, ხოლო სასამართლოს თავმჯდომარის პოსტიდან კი, 37468,84 ლარი მიიღო.
რაც შეეხება ოჯახის ქონებას, თავაძის დეკლარაციიდან ირკვევა, რომ უძრავი ქონება მას არ გააჩნია, ხოლო მისი მეუღლე, თეა ძოწენიძე ფლობს, 2017 წელს, 5000-დოლარად ნაყიდ, 100,00 კვ.მ-ის ფართობის მიწის ნაკვეთს ბახმაროში და 2016 წელს, 140000-დოლარად შეძენილ 125,00 კვ.მ-ის ფართობის ბინას თბილისში, მაყაშვილის 31 ნომერში.
თეა ძოწენიძის 100,00%-იან საკუთრებაშია ასევე 2013 წელს გამოშვებული მსუბუქი ავტომანქანა ტოიოტა კოროლა, რომელიც მას 2016 წელს 11000,00-დოლარად შეუძენია.
ხოლო ზაზა თავაძე ფლობს სანადირო თოფს-James Purdey and sons და 2014 წელს 5600,00 ლარად შეძენილ კარაბინს-Sig Sauer 716 Patrol.
რაც შეეხება ოჯახის ფინანსურ მდგომარეობას, დეკლარაციის შევსების მომენტში ზაზა თავაძეს ,,საქართველოს ბანკი სახელფასო ანგარიშზე 3065,00 ლარი ერიცხებოდა, ხოლო “თი–ბი–სი ბანკის” მიმდინარე ანგარიშზე 3,56 ლრი ჰქონდა.
თეა ძოწენიძეს კი, „პროკრედიტ ბანკის“ ორ ანაბარზე 180 000,00 და 160342,00 დოლარი ჰქონდა.
დეკლარაციის თანახმად, ზაზა თავაძის სახელზე 4 სესხია. კერძოდ, საკრედიტო (American Express ) 12500,00-ლარიანი სესხი თავაძეს 2014 წელს აუღია და გასულ წელს საქართველოს ბანკისთვის 12643,00 ლარი აქვს გადახდილი; ამავე წელს აქვს აღებული სესხი, 100000,00-დოლარიანი იპოთეკური სესხი 2029 წლამდე, რისთვისაც ბანკისთვის 5225,00 დოლარი გადაუხდია.
2015 წელს აქვს აღებული 8440,00-ლარიანი სამომხმარებლო სესხი ამავე ბანკიდან, რისთვისაც გასულ წელს 7708,00 გადაიხადა.
182000,00-ლარიანი იპოთეკური სესხი თავაძეს 2013 წელს აუღია და ვადა 2021 წელს ეწურება, რისთვისაც ბანკს შარშან 137272,00 ლარი გადაუხადა.
რაც შეეხება ოჯახის სხვა გასავლებს, დეკლარაციაში აღნიშნულია, რომ ზაზა თავაძემ, შვილების: იოანე და გიორგი თავაძეების სწავლის გადასახადისთვის ჯამში 9000,00 ლარი გადაიხადა.
ზაზა თავაძეს გასულ წელს მის საკუთრებაში არსებული ბათუმში მდებარე ბინა 25 000-დოლარად გაუყიდია. ეს თანხა მას შემოსავლების გრაფაში აქვს მითითებული. ხოლო მისმა მეუღლემ, თეა ძოწენიძემ გასულ წელს ანაბრიდან პროცენტის სახით 2700,00 დოლარი მიიღო.
ამავე თემაზე:
საკონსტიტუციო სასამართლოს ახალი თავმჯდომარის ქონება და შემოსავლები
