“პოლიციას სხვა ინფორმაცია ჰქონდა, ამის გამო ცემეს, ეღიარებინა არჩადენილი დანაშაული”

2016 წლის 8 იანვარს, გამთენიისას შსს გურიის პოლიციის დეპარტამენტის  ოზურგეთის რაიონული სამმართველოს თანამშრომლებმა ქალაქ ოზურგეთში მცხოვრები 18 წლის თორნიკე და 19 წლის ნოდარ თავბერიძეები დააკავეს.

ნოდარ თავბერიძეს პოლიცია სწრაფი გადახდის აპარატის ქურდობის მცდელობის ფაქტს ედავება, მას ასევე პოლიციელების ცემა და წინააღმდეგობის გაწევა ედება ბრალად.

თორნიკე თავბერიძეს, "გურია ნიუსის" წყაროს ინფორმაციით, სამართალდამცავებმა უკანონოდ შეუზღუდეს თავისუფლება, პოლიციაში მიყვანის დროს კი სასტიკად სცემეს.

აღნიშნულ ფაქტს ჩვენთან საუბრისას 18 წლის მოზარდი და ასევე მისი უფლებების დამცველი მანუჩარ გოგრაჭაძეც ადასტურებენ:

"შობის ღამე იყო,  ჩემს ძმას ვახლდი მაღაზიაში. სრულიად უმიზეზოდ  ჩამსვეს მაქანაში, წამოგვყევიო და წამომიყანეს პოლიციაში. დაკითვის დროს მცემეს, სანამ იზოლატორში მომათავსებდნენ, მანამდეც მცემდნენ, თან  მთხოვდნენ რომ მეთქვა, სად იმყოფებოდა ჩემი ძმა, გვითხარი რას აკეთებდა ქალაქშიო, აღიარე, შენ აქ რა გინდოდაო. მერე გირაოთი გამომიშვეს" _ ამბობს თორნიკე თავბერიძე.

დაზარალებულის ინტერსებსი დაცველი მანუჩარ გოგრაჭაძე "გურია ნიუსთან" ამბობს, რომ თორნიკეს პოლიციელებზე თავდასხმას ედავებიან:

"რა თქმა უნდა ძალადობა მოხდა,  იყო ცემის ფაქტები,  რაც არ შეიძლება, თუნდაც რეალური დამნაშავე იყოს. მთავარი ისაა, რომ თორნიკე არაფერ შუაში არ არის,  ისეთი ნაცემი იყო, რომ ერთი კვირა საჭმელს ვერ ჭამდა.

თორნიკეს ფიზიკური წინააღმდეგობის გაწევას და სხეულის დაზიანებას ედავებიან პოლიცილების მიმართ.  ნოდარს კი  სსკ. 353 მუხლით აქვს აღძრული საქმე"– ამბობს გოგრაჭაძე.

მისი თქმით, "პირველად დაიჭირეს თორნიკეს  ძმა, ნოდარი,  სწრაფი ჩარიცხვის აპარატის ქურდობის მცდელობის ფაქტთან დაკავშირებით. თორნიკეც იმ დროს ქალაქში იყო. ეს აიყვანეს სულ სხვა ტერიტორიაზე,  შეეშალათ, პოლიცილებს ინფორმაცია სხვანაირად ჰქონდათ, ეს ასე ვთქვათ, მოჰყვათ ხელში და ჩაუტარეს ჩხრეკა,  ეს ხომ რამენაირად უნდა "გაეპრავებინათ" , ამის გამო ცემეს როცა პოლიციაში წაიყვანეს, ეღიარებინა არჩადენილი დანაშაული. ედავებიან პოლიცილების ცემას, ამ დროს იქ იყო 15 პოლიციელი, ოთხიდან ორი  პოლიციელი  ჩაფიჩაძე და ხაბულიანი ცემეო, აბსურდია ეს ყველაფერი. პირიქით ეს იყო გალახული, სტუდენტი, პატიოსანი ბავშვი."

ადვოკატი მანუჩარ გოგრაჭაძე  ამბობს, რომ  საქმეში დევს მხოლოდ პოლიცილების ჩვენება და არანაირი სხვა მტკიცებულება არ არსებობს:

"პოლიცილები ამბობენ  ჩვენ გვცემაო,  მეტი სხვა მტკიცებულება არ არის საქმეში. დასაბუთებული ბრალდებაც კი არ არის, წარმოიდგინეთ,  პროკურომა უნდა მოიყვანოს სასამართლოზე მოწმედ პოლიციელები, რომ ხომ გცემათო" _ამბობს გოგრაჭაძე.

შსს პრესსამსახურში პოლიცილების მიერ მოზარდზე ძალადობის ფაქტს არ ადასტურებენ.