_ შეწვის დროს რომ არ დაიშალოს, თევზს 10-15 წუთით ადრე მოაყარეთ მარილი, დაელოდეთ, სანამ კარგად შეიწოვს და მერე მოამზადეთ;
_ შეიძლება, მარილი და კვერცხი ერთად კარგად ათქვიფოთ, თევზის ნაჭრები ამ ნაზავში ამოავლოთ და ისე შეწვათ;
_ თევზის შეწვისას ოთახში უსიამოვნო სუნი რომ არ დარჩეს, მდუღარე მცენარეულ ზეთში ჩაყარეთ 1 ცალი დაჭრილი კარტოფილი, გააჩერეთ 2-3 წუთი და ამოიღეთ.
ამის შემდეგ შეწვით თევზი;
_ შემწვარი თევზი უფრო გემრიელი გამოვა, თუ შეწვამდე 10 წუთით ჩააწყობთ რძეში. შემდეგ ოდნავ დაწურავთ, საფანელში ამოავლებთ და მდუღარე ზეთში შეწვავთ;
_ შეწვის დროს ცხიმიანი შხეფებისგან რომ დაიცვათ თქვენი სამზარეულო, ტაფას საწური დაახურეთ;
_ ნებისმიერი თევზი უფრო გემრიელი გამოვა, თუ მას კარაქის და ზეთის (1:1) ნარევში შეწვავთ.
ამ შემთხვევაში ტაფაზე დახურვა არაა საჭირო. თევზის ნაჭრები ნაზი, ხრაშუნა ქერქით დაიფარება;
_ თევზის კოტლეტი გემრიელი კერძია, მაგრამ როცა თევზს ხორცსაკეპში ატარებთ, სითხე მოწვეთავს. ეს არც თუ ისე სასიამოვნოა _ სწორედ აქ დაგეხმარებათ ორცხობილა. თევზი ორცხობილასთან ერთად გაატარეთ _ იგი “ჩაყლაპავს” სითხეს.
ასეთი კოტლეტი გაცილებით უფრო გემრიელი გამოვა, ვიდრე ის, რომელსაც წყალში ჩამბალ პურს უმატებენ. თანაც ამ შემთხვევაში ხორცსაკეპსაც ადვილად გარეცხეთ.
