ფონდ "ღია საზოგადოება – საქართველოს" ევროინტეგრაციის მიმართულების მენეჯერი ივანე ჩხიკვაძე ვიზალიბერალიზაციის მიმდინარე პროცესს ეხმაურება.
როგორც ჩხიკვაძე სოციალურ ქსელში წერს, საქარტველოს ძალიან მცირე შანსი რჩება საკითხი მის სასარგებლოდ 20 ივნისის სხდომაზე გადაწყდეს.
"როგორც მოსალოდნელი იყო – დღეს შინაგან საქმეთა და იუსიტიციის მინისტრებმა გადაწყვეტილება ვერ/არ მიიღეს. რჩება იოტისოდენა შანსი, რომ გადაწყვეტილება მიღებულ იქნას 20 ივნისს, როდესაც შეიკრიბება საგარეო საქმეთა მინისტრთა საბჭო და არ გადაიტანონ ის არჩევნების მერე.
ისე ჩანს, რომ ხელისუფლება აპირებს სწორედ ამ დროისთვის მოახდინოს სრული მობილიზაცია. ამაში არის მარტივი და რთული მხარეები.
1. მინისტრთა საბჭოს ხელმძღვანელობს ევროკავშირის უმაღლესი წარმომადგენელი საგარეო და უსაფრთოხების პოლიტიკაში ფედერიკა მოგერინი, რომელიც ამავდროულად არის ევროკომისიის ვიცეპრეზიდენტი. ეს ის ევროკომისიაა, რომელიც უპირობოდ უჭერს მხარს საქართველოსთან უვიზო მიმოსვლას და რომელმაც წარადგინა საკანონმდებლო ცვლილება საბჭოში
2. მოგერინი უფრო მეტად იქნება ორიენტირებული კონსენსუსზე და შეეცდება თავის პოზიციის გამოყენებას, რომ შეკრას გადაწყვეტილება ვიდრე ჰოლანდია, რომელმაც შეიძლება ანგარიში გაუწიოს/გაეწია გერმანიის პოზიციას (ბოროტი ენები ამბობენ გაუწია კიდეც COREPER-ის მეორე სხდომაზეო;)). ეს იქნება მოგერინის, როგორც უმაღლესი წარმომადგენლის კონკრეტული წარმატება. ამიტომ მის ინტერესშიცაა.
3. მოგერინიმ თბილისში ვიზიტისას სამოქალაქო საზოგადოების წარმომადგენლებს განგვიცხადა, რომ მისთვის მნიშვნელოვანია საქართველომ მიიღოს უვიზი მიმოსვლა არჩევნებამდე.
4. საქართველოს ხელისუფლებას რჩება 5 სამუშაო დღე, რომ აქტიურად იმუშაოს იმ პარტნიორებთან რომლებიც ჯერ-ჯერობით არ შეერთებიან ლიტვა, ლატვია, ესტონეთი, ბულგარეთ ი, რუმინეთის ინიციატივას. განსაკუთრებით ეს ეხება პოლონეთს, შვედეთს, ასევე უნგრეთს, სლოვაკეთს, ჩეხეთს. ჩვენს საელჩოებს ამ ქვეყნებში ძალიან ცხელი 5 დღე და ღამე უნდა ჰქონდეთ წესით. პარლამენტის მეგობარი ქვეყნების ჯგუფიც უნდა გამოფხიზლდეს. ბოდვის დრო არ არის!
5. ლობისტური კომპანიები თუ გვყავს კიდევ სადმე შემორჩენილი აქტიურად უნდა ჩაერთოს ამ ამბავში.
6. შემუშავდეს კონრეკტული ე.წ. მესიჯბოქსი, რას ეუბნება მოსახლეობას ხელისუფლება იმ შემთხვევაში თუ გადაიწია უვიზო მიმოსვლამ – "მაპზე უკეთესი მივიღეთ", რომ არ განმეორდეს
7. იმ შემთხვევაში თუ გააქტიურდა რუსეთი და შემოაგდო ე.წ. "უტკა" უვიზო მიმოსვლაზე რუსეთის ფედერაციასთან (და შეიძლება ბევრი სხვა ფოჩებიანი კამფეტის დაპირებაც) რას ვშვებით. ფიქრია საჭირო ამაზე.
8. აქტიური მუშაობაა სკეპტიკოს ქვეყნებთან გერმანია, საფრანგეთი, იტალია, ბელგია. ჩვენს საელჩოების კიდევ უფრო გააქტიურება.
9. რომელიმე საგარეო საქმეთა მინისტრმა ან თავად მოგერინიმ უნდა გაუბედოს გერმანიას და კონსენსუსის ვერ მიღწევის შემთხვევაში საკითხი გამოიტანოს კენჭისყრაზე. იშვიათად ხდება მაგრამ იქნება მოხდეს.
10. აქტიური მუშაობაა საჭირო, რომ გერმანიამ ვერ შეკრას blocking minority საბჭოში, რაც სამწუხაროდ მარტივია, რადგან მას ესაჭიროება მინიმუმ 4 ქვეყანა, რომელშიც ცხოვრობს ევროკავშირის მოსახლეობის 35% (დაახ. 172 მლნ.). სამწუხაროდ, იტალია, საფრანგეთი და გერმანია მოსახლეობით ამას ჰყოფნის.
მოკლედ როგორც თემურ ქეცბაია იტყოდა – მოძრაობა გააკეთეთ …
მოკლედ რომ ვთქვა, 20 ივნისს საბჭოში დადებითი გადაწყვეტილების მიღება უფრო დიდი სასწაული იქნება ვიდრე გუშინწინდელი ესპანეთი – საქართველო 0-1", _ წერს ჩხიკვაძე სოციალურ ქსელში.
