ქალაქ ოზურგეთის მუნიციპალიტეტს რეგიონული განვითარების ფონდმა დაფინანსება შეუმცირა. ქალაქ ოზურგეთის მუნიციპალიტეტის საკრებულოზე დღეს, დღის წესრიგით გათვალისწინებული ერთი საკითხი, სწორედ აღნიშნულ თემას ეხებოდა: “ქალაქ ოზურგეთის მუნიციპალიტეტის ტერიტორიაზე 2017 წელს რეგიონული განვითარების პროექტების ფონდიდან განსახორციელებელი და დასაფინანსებელი ინფრასტრუქტურული პროექტების მოწონების თაობაზე“ – ქალაქ ოზურგეთის მუნიციპალიტეტის საკრებულოს 2017 წლის 31 იანვრის #9 განკარგულებით დამტკიცებულ დანართში ცვლილება შევიდა, რაზეც ინფრასტრუქტურის სამახურის უფროსმა მერაბ წივწივაძემ ისაუბრა
მისი თქმით, სამუშაოების ნაწილი ადგილობრივი ბიუჯეტიდან დაფინანსდება.
“2017 წლის 31 იანვრის #9 განკარგულებით წარმოგიდგინეთ 2017 წლის რეგიონული ფონდები რომელიც შეადგენდა 3 მილიონ 37 ათას 594 ლარს. ვინაიდან ბიუჯეტში ეკონომიების ხარჯზე სადაც იყო კულტურა, _ ეს თანხები გამოგვითავისუფლდა და რეგიონალური განვითარების ფონდებიდან დასაფინანსებლად მივიღეთ 741 ათასი ლარი. ცენტრალური ბიუჯეტიდან თანხის მოწოდება შემცირდა მილიონ 7 58 ათას 500 ლარი და ადგილობრივი ბიუჯეტიდან დავამატებთ 741 ათას 500 ლარს. აღნიშნულთან დაკავშირებით პროექტებს განვახორციელებთ : _ ნიკო ნიკოლაძის ქუჩაზე მდებარე საბავშვო ბაღის რეაბილიტაციას, რომელიც ჯდება 551 ათას 724 ლარი , საიდანაც რეგიონული ფონდიდან მოგვეცემა 388 082,7 ლარი და ადგილობრივი ბიუჯეტით ნაცვლად 25 ათას 587 ლარისა, ჩვენ ადგილობრივი ბიუჯეტით დავაფინანსებთ 163641,3 ლარით“, _ აღნიშნა წივწივაძემ.
დღეს წივწივაძემ ის ქუჩებიც დაასახელა, რომლის რეაბილიტაციაც აპრილდან იგეგმება:
“რაც შეეხება ქუჩების ნაწილს:“ ქალაქ ოზურგეთში დაზიანებული ქუჩების 6 ერთეული -ბათუმის, რუსთაველის (ჯავახიშვილის კვეთამდე), ჩოხატაურის ქუჩა, (კლინიკამდე) დანჩენკოს, ა.ბაქრაძის და ქუთაისის ქუჩების მიმდებარე ტერიტორიის ასფალტობეტონით მოწყობის სარეაბილიტაციო სამუშაოებს“_ ადგილობრივი ბიუჯეტით დავაფინანსებთ 577858,7 ლარით, რეგ.ფონდებიდან მივიღებთ 1 370 417, 3 ლარს, სულ ჯამში იქნება 2 500 000 ლარის ღირებულების პროექტები რომელიც დამზადებული არის და გვჭირდება მოწონება“, _ განაცხადა მერაბ წივწივაძემ.
აღნიშნულთან დაკავშირებით დამოუკიდებელმა დეპუტატმა ლევან მგელაძემ საკრებულოზე თავისი მოსაზრება დააფიქსირა და თქვა:
“დავაკონკრეტებ და გეტყვით, რომ 2017 წლის 31 იანვარს ქალაქ ოზურგეთის საკრებულომ მიიღო განკარგულება #9, სადაც წარმოდგენილი იყო რ.გ.პ. ფონდიდან დასაფინანსებელი პროექტები და სწორედ # 9 განკარგულებაში მოხდა ცვლილებები, შემცირებულია ფონდიდან მოთხოვნილი თანხა და გაზრდილია ადგილობრივი შემოსავლებიდან თანადაფინანსების თანხები, ასევე განახევრებულია ქუჩების რაოდენობა სადაც იგეგმებოდა ასფალტობეტონის სარეაბილიტაციო სამუშაოები. გაჩნდა ბევრი პასუხგაუცემელი კითხვა, მერიამ დამაჯერებლად ვერ განმარტა, რატომ მოხდა ეს ცვლილებები და ხელი ცენტრალური ხელისუფლებიკენ გაიშვირა. აქედან გამომდინარე, მიმაჩნია, რომ ადგილობრივი თვითმართველობა მოითხოვს რეფორმირებას, რათა მუნიციპალიტეტებს ჰქონდეს მეტი დამოუკიდებლობა, თვითონ დაგეგმოს ბიუჯეტი და მუნიციპალიტეტებში შესასრულებელი სამუშაოები უნდა იგეგმებოდეს არა სამინისტროებში, არამედ ადგილობრივ დონეზე“, _ განაცხადა მგელაძემ.
