დაყადაღებულ აბონენტებს დაყადაღების მიზეზი ბანკებში ვერ უთხრეს. როგორც ერთ-ერთი ჩვენი რესპონდენტი ამბობდა, იგი მილიონი ლარით დააჯარიმეს _ ყოველ შემთხვევაში, მისი თქმით, ასე ეწერა საბანკო ქვითარზე.
“გურია ნიუსმა” მოიპოვა ერთ-ერთი დაყადაღებული აბონენტის საბანკო ქვითარი, რომელზედაც ანგარიშზე ნაშთად მითითებულია არა მინუს 999 ათას 999 ლარი, როგორც გუშინ ამბობდა ჩვენი წყარო, არამედ… მინუს 999 მილიონ 999 ათას 991 ლარი და 79 თეთრი!!!
ჩვენ არ ვამტკიცებთ, რომ “კარდაკარის” მონაწილეები სწორედ მილიარდი ლარით არიან დაჯარიმებულები და გთავაზობთ საბანკო ქვითრის დასკანერებულ ვარიანტს. თუ ვინმეს შეუძლია აგვიხსნას, რას ნიშნავს საბანკო ქვითარზე აღნიშნული წარწერები: “ნაშთი ანგარიშზე _999999991GEL, 79; გამოყენებადი თანხა _ 999999991GEL, 79”, მოგვწერეთ მისამართზე guria@gurianews.com.
