იურისტის განცხადებით მათი საწარმოს ტერიტორიაზე ყოფნა აფერხებს მუშაობას.
“მათ ვერ წარმოადგინეს შესაბამისი დოკუმენტაცია იმის შესახებ, რა სამართლებრივ საფუძველზეშემოვიდნენ საწარმოში. გაუგებარია, ყოველგვარი დოკუმენტაციის გარეშე “ელიტა ბურჯის” ტერიტორიაზე რატომ უნდა იმყოფებოდნენ ეს ადამიანები. 14 საათია ვერ წარმოადგინეს ვერანაირი საბუთი,” _ განაცხადა იურისტმა “გურია ნიუსთან” საუბარში.
სააღმსრულებლო ბიუროს თანამშრომელმა განაცხადა, რომ ისინი სასამართლოს გადაწყვეტილებას ასრულებენ და “ელიტა ბურჯის” ახალი მეპატრონის ინტერესებს ითვალისწინებენ. თუმცა, ოფიციალურად, ჯერჯერობით, აღნიშნული საწარმო ახალი მეპატრონის კუთვნილება არ არის.
“ელიტა ბურჯი” 2 აგვისტოს გაიყიდა აუქციონის წესით და 12 აგვისტომდე აქვს ვადა ახალ მეპატრონეს გადაიხადოს ფული. თუ ვერ გადაიხდის, გაუქმდება შედეგი და თავიდან ჩატარდება აუქციონი.
