და მთელი დღის მანძილზე ეზოში ბეტონის ღობის ძირზე, ბორდიურზე 17 საათის განმავლობაში ისხდნენ, “ელიტა ბურჯი” და მისი მუშები საქართველოში ინფრასტრუქტურის განვითარებისთვის მუშაობდნენ.
“ქალაქში მოძრაობის განტვირთვის მიზნით, თბილისის მერია მდინარე მტკვრის მარჯვენა სანაპიროზე ახალ, გრანდიოზულ პროექტს ახორციელებს. პროექტის მიხედვით მარჯვენა სანაპიროს მთელ სიგრძეზე პანდუსები, ხიდები, გვირაბები და ესტაკადები აშენდება. სამშენებლო სამუშაოების დასრულების შემდეგ, მარჯვენა სანაპიროზე ყველა პრობლემური სატრანსპორტო კვანძი გაიხსნება, აღნიშნულ პერიმეტრზე ყველგან გაუქმდება შუქნიშნები და სატრანსპორტო საშუალებები შეუფერხებლად შეძლებენ გადაადგილებას. ლაგუნა ვერეს კვანძზე ესტაკადებით ორთაჭალის მხრიდან გმირთა მოედნისკენ მოძრავი ნაკადი გადავა ახალ ესტაკადაზე. გმირთა მოედნიდან დიღმის მიმართულებით მარჯვენა სანაპიროზე გადასვლა მოხდება ახალი ესტაკადით.” ამის შესახებ ინფორმაცია თბილისის მერიის ოფიციალურ ვებ გვერდზეა – http://new.tbilisi.gov.ge/news/614 განთავსებული.
ვინ არის “ელიტა ბურჯი” და რას ერჩის მას საქართველოს იუსტიციის სამინისტროს აღმასრულებელი ეროვნული ბიურო, როდესაც ხელისუფლების ერთ-ერთი მნიშვნელოვანი პროექტი, რომლითაც საქართველოს პრეზიდენტი მიხეილ სააკაშვილი და ინფრასტრუქურის განვითარების სამინისტრო საქართველოს მოსახლეობის წინაშე თავს იწონებს, “ელიტა ბურჯში” კეთდება? საუბარია “ლაგუნა ვერეს” წინ ახალი ესტაკადის მშენებლობაზე, რომელიც ამ წუთებშიც მიმდინარეობს.
2012 წლის 22 მაისს შპს “ელიტა ბურჯის” გენერალურმა დირექტორმა თენგიზ გვაზავამ და შპს “კავკასუს როუდ პროჯექტის” დირექტორმა პაატა ტრაპაიძემ ხელი მოაწერეს ნადირობის ხელშეკრულებას # EB-015/05-2012, სადაც “ელიტა ბურჯი” ვალდებულია “დაამზადოს, დაგრუნტოს (HB55 ორკომპონენტიანი გრუნტით) და დაამონტაჟოს ხიდის ლითონკონსტრუქციის მზიდი ელემენტები (ლაგუნა 1-სთვის). (მასალა 355J2). სავარაუდოდ: 250 (ორას ორმოცდაათი) ტონა. ასევე დაამზადოს ხიდის ჩასატანებელი დეტალები (ფლიანეცები და ანკერები), აგრეთვე ორტესები, კოჭები”.
ხელშეკრულებაში საუბარია, რომ “სამუშაოები უნდა შესრულდეს არა უგვიანეს 2012 წლის 5 აგვისტოსი.”
როგორც ყველგან, ასევე. აღნიშნულ ორ კომპანიებს შორს ხელშეკრულებაში ჩადებულია “მუხლი 5. ფორს-მაჟორი”, სადაც ერთ-ერთ პუნქტში 5.2. წერია: “ფორს-მაჟორს მიეკუთვნება კლიმატური, ტექტონიკური, ტექნოგენური კატასტროფები, “დაუძლეველი ძალა”, სოციალური მღელვარება და სამთავრობო გადაწყვეტილებები, რომლებიც არ არიან დამოკიდებული მხარეების ნებაზე და მათი თავიდან აცილება აღემატება მხარეების შესაძლებლობას.”
შეაჩერებს თუ არა ხელისუფლების გაპიარებულ პროექტზე მუშაობას “ელიტა ბურჯი”, ამის შესახებ “გურია ნიუსისთვის” უცნობია, მაგრამ მაშინ, როცა აღსრულების ეროვნული ბიუროს წარმომადგენლები 17 საათის განმავლობაში ბეტონის ბორდიურზე ისხდნენ და “რაღაცას” ელოდებოდნენ, “ელიტა ბურჯის” მუშები ლაგუნა ვერეს ესტაკადისთვის ლითონის კონსტრუქციებს ადუღებდნენ.
“გურია ნიუსი” გთავაზობთ ფოტორეპორტაჟს, რა ხდებოდა “ელიტა ბურჯის” ეზოს შესასვლელში და რა ხდებოდა ეზოს უკან 2012 წლის 6 აგვისტოს სამუშაო საათებში.
მაშინ, როცა აღსრულების ბიურო “ელიტა ბურჯის” ტეროტორიიდან ორგანიზაციის ქონების გატანას აპირებდა,
“ელიტა ბურჯი” ლაგუნა ვერესთან ესტაკადის მშენებლობას აგრძელებდა
