“მართლაც, აქ იწყება უახლოეს კვირეებში და თვეებში რამდენიმე ჰიდროელექტროსადგურის მშენებლობა და ყველა კვალიფიციური ადამიანი დაგვჭირდება, როგორც ენერგეტიკოსები, ასევე, მშენებლები, მძღოლები, ყველა ადამიანი”, _ თქვა ქვეყნის პირველმა პირმა ოზურგეთის იუსტიციის სახლის გახსნისას.
დღევანდელი რეალობა, პრეზიდენტის დანაპირებისგან აბსოლუტურად განსხვავდება.
შპს “KG Energy”-ის (“ბახვი- 3 ჰესის” მშენებლობის დამკვეთი ორგანიზაცია) დირექტორი ვახტანგ ღონღაძე, ჩვენთან საუბრის დროს ამბობს, რომ არ არის გამორიცხული, მშენებლობა კვლავ თავიდან დაიწყონ. შეიძლება ითქვას, რომ “ბახვი 3 ჰესის”-ის მთავარი სამანქანე დანადგარების შენობა გაანადგურებულია.
_ გუშინ, დაახლოებით, საღამოს 19:00 საათზე მთის ნაწილი ჩამოიშალა და არის დიდი ზარალი. ფაქტობრივად, შენობა თავიდან გვექნება ასაგები, _ გვითხრა ვახტანგ ღონღაძემ.
“გურია ნიუსის” ინფორმაციით, კასკადის გახსნა 25 ოქტომბრისთვის იგეგმებოდა. ეს ინფორმაცია, სოფლის მცხოვრებლებმა მოგვაწოდეს. ვახტანგ ღონღაძემ ჩვენთან საუბრის დროს განაცხადა, რომ ზუსტი თარიღი არ იყო ცნობილი, მაგრამ ჰესი წლის ბოლომდე ნამდვილად უნდა შესულიყო ექსპლოატაციაში.
არაოფიციალური ინფორმაციით, როგორც ვახტანგ ღონღაძე ვარაუდობს, ზარალი 2 000 000 დოლარს აღწევს.
