წყალი _ თუ თქვენ არ იღებთ საკმარის სითხეს სუფთა წყლის სახით, გაგიჭირდებათ ზედმეტი კილოგრამების მოშორება. წყლის უკმარისობა იწვევს ორგანიზმში მეტაბოლიზმის პროცესის შენელებას, შესაძლოა გლუკოზის და სისხლის წარმოქმნის დაწევა გამოიწვიოს. თავის ტკივილი და მოთენთილობა შესაძლოა ამითაც იყოს გამოწვეული.
მწვანე ჩაი _ ეს პროდუქტი არა მხოლოდ კიბოს უჯრედების წარმოქმნას უშლის ხელს, არამედ აუმჯობესებს მეტაბოლიზმის პროცესს, ხელს უშლის გულ-სისხლძარღვთა დაავადებების გაჩენას ორგანიზმში. დღეში 4-5 ფინჯანი მწვანე ჩაი 70-80 კილოკალორიის დაწვაში დაგეხმარებათ.
გრეიფრუტი _ დადგენილია, რომ ყოველი ჭამის შემდეგ, გრეიფრუტის ნახევრის ან წვენის დაყოლება, თვეში 2 კილოგრამი ზედმეტი ცხიმის დაწვაში დაგეხმარებათ. გრეიფრუტის მიღება ინსულინის დაწევას, ანუ მადის დაქვეითებას უწყობს ხელს. თუ გრეიფრუტის გემო არ მოსწონთ, გამოწურეთ წვენი და შეურიეთ ლიმონის ან ფორთოხლის წვები. შლაკებისგან გასაწმენდად ეს კიდევ უფრო უკეთესია.
დარიჩინი _ კვლევები უჩვენებს, რომ დღეში 1 ჩაის კოვზი დარიჩინის მიღება ხელს უწყობს შაქრის უკეთ ათვისებას და სისხლში მის შემცველობას ამცირებს. ეს მნიშვნელოვანია, რადგან სისხლში მაღალი შაქარი ცხიმის ახალი ფენების წარმოქმნას უწყობს ხელს. დარიჩინის გამოყენება შაქრის მაგივრადაც შეიძლება, რადგან მას ბუნებრივად ტკბილი გემო აქვს.
უცხიმო რძის პროდუქტები _ არა მხოლოდ ამარაგებს თქვენს ორგანიზმს კალციუმით, ხელს უწყობს ჰორმონის _ კალციტრიოლის გამოყოფას. ეს ჰორმონი კი აიძულებს ცხიმოვან უჯრედებს დაიშალონ.
ცილოვანი საკვები _ აუცილებელია კუნთოვანი ქსოვილების წარმოშობისთვის. ეს კი იმას ნიშნავს, რომ ცხიმოვანი უჯრედი იწვება მაშინაც კი, როცა თქვენ არ მოძრაობთ. პროტეინის მიღების საუკეთესო წყაროა ქათმის მკერდი, ინდაურის ხორცი, თევზი, კვერცხის გული.
ცხარე საკვები _ ცხარე სანელებლები ხელს უწყობენ ცხიმების დაწვას, რადგან მისი მიღების შემდეგ ოფლის გამოყოფა ძლიერდება, ჩქარდება გულისცემა, ეს კი მეტაბოლიზმს უწყობს ხელს. ცხადია, ცხარე სანელებლებით შეკმაზული ჩიპსები და შემწვარ-მოხრაკული არ იგულისხმება. ამასთან ერთად, ორგანიზმს ზომიერად ნახშირწყლები და ნორმალური ცხიმებიც სჭირდება.
