ყველაზე სასარგებლო პროდუქტების ათეული ასეთია: 1. ბრინჯი, 2. კვერცხი, 3. რძე, 4. ისპანახი, 5. ბანანი, 6. ქათმის ხორცი, 7. ორაგული, 8. მოცხარი, 9. მწვანილი, 10. ნიორი.
ბრინჯი _ ამცირებს ქოლესტერინის დონეს და გულ-სისხლძარღვთა დაავადებებების, სწორი ნაწლავის კიბოს, ნაღვლის ბუშტში კენჭების დაგროვების, დიაბეტის და სიმსუქნის რისკს. ხელს უწყობს ნაწლავების მუშაობას.
კვერცხი _ ლუთეინის წყაროა. იგი თვალებს კატარაქტის დაავადებისგან იცავს; ამცირებს თრომბის წარმოქმნის საფრთხეს, რითაც ხელს უშლის ინფარქტისა და ინსულტის განვითარებას. კვირის განმავლობაში 6 ც. კვერცხის მოხმარება 44%-ით ამცირებს სარძევე ჯირკვლის კიბოს რისკს.
რძე _ კალციუმის საბადოა. ძალიან სასარგებლოა ძროხის უცხიმო რძე. ის მდიდარია კალციუმით და აუცილებელია ძვლების სიმტკიცისთვის. რძის ყოველდღიურ რაციონში ჩართვით თავიდან აიცილებთ ოსტეოპოროზს.
ისპანახი _ უხვად შეიცავს რკინას, ანტიოქსიდანტებს; ც, ა, კ ვიტამინებს; ორგანიზმს იცავს ინფარქტისა და ინსულტისგან, სწორი ნაწლავის კიბოს, ოსტეოპოროზისა და ართრიტის განვითარებისგან. მდიდარია ლუთეინით, მიირთვით კვერცხით, ასე მისი სამკურნალო მოქმედებას უფრო გააძლიერებთ.
ბანანი _ 1 ც ყვითელი ბანანი შეიცავს 467 მგ. კალიუმს, რაც აუცილებელია კუნთების, უფრო გულის, ჯანმრთელობის შესანარჩუნებლად. ბანანი ამცირებს არტერიულ წნევას, ანეიტრალებს მჟავიანობას, აგაცლებთ გულძმარვას.
ქათმის ხორცი _ ყველაზე ჯანსაღი პროდუქტია. უკეთესია მიირთვათ გულმკერდის თეთრი ხორცი. საერთოდ კანგაცლილი, მდიდარია ცილებით, აფერხებს ძვლის მასის შემცირებას, არის სელენის ჯგუფის ვიტამინების წყარო. ამცირებს კიბოს დაავადებების რისკს. მატებს ენერგიას და აძლიერებს ტვინის მუშაობას.
ორაგული _ მდიდარია “ომეგა-3”-ის ჯგუფის ცხიმებით, რომელიც ამცირებს ქოლესტერინის დონეს, თრომბისა და კიბოს რისკს, ამსუბუქებს დეპრესიას; აუცილებელია მეხსიერებისთვის. შეიცავს ნიკოტინის მჟავას, რომელიც იცავს ალცჰეიმერის დაავადებისგან.
მოცხარი _ ნაკლებადკალორიულია, მაგრამ შეიცავს მკვებავ ნივთიერებებს, ანტიოქსიდანტებს. აფერხებს გლაუკომისა და კატარაქტის განვითარებას, ამცირებს ვენების გაგანიერებას ჰემოროის, კიბოს, კუჭის წყლულის რისკს. თავიდან აგაცილებთ გულ-სისხლძარღვთა დაავადებებს, აღადგენს ტვინის მუშაობას ინსულტის შემდეგ; საუკეთესოა საჭმლის მომნელებელი ორგანოების ანთებისას.
მწვანილი _ აძლიერებს გემოს შეგრძნებას, შეიცავს ვიტამინებს და მინერალებს, ხელს უწყობს საკვების ათვისებას, გადამუშავებას, ეხმარება ტვინს;
ნიორი _ აფერხებს კიბოსა და გულ-სისხლძარღვთა დაავადებების განვითარებას, ამცირებს ინსულტის რისკს. აქვს ანთების საწინააღმდეგო და ტკივილგამაყუჩებელი თვისებები. სასარგებლოა შაქრიანი დიაბეტით დაავადებულთათვის.
