ჯინჭარაძის კანდიდატურას საკრებულოს 23-მა დეპუტატმა დაუჭირა მხარი. თამაზ ჯინჭარაძე 1978 წლის 8 ივნისს დაიბადა. პროფესიით ეკონომისტ-ფინანსისტია. 2001-2002 წლებში იყო ჩოხატაურის ინვალიდთა ლიგის ასოციაციის თავმჯდომარის მოადგილე. 2005-2007 წლებში “ჩოხატაურგაზის” მონტაჟის და ექსპლოატაციის სამსახურის უფროსი. 2006-2010 წლებში ჩოხატაურის მუნიციპალიტეტის საკრებულოს დეპუტატი; 2009 წლიდან “ეროვნული ფორუმის” რაიონული ორგანიზაციის თავმჯდომარე; 2012 წლიდან კოალიცია “ქართული ოცნების” ჩოხატაურის რაიონული შტაბის აქტივის კოორდინატორი. ჰყავს მეუღლე და ორი შვილი. ჯინჭარაძემ გამგებლის პოსტზე ლელა იმედაშვილი ჩაანაცვლა, რომელმაც თანამდებობა გუშინ საკუთარი სურვილით დატოვა.
