_ “ტოიოტა პრადო”, სახელმწიფო ნომრით SCA-885 და “ტოიოტა კამრი” SCA-989 მიამაგრეს. ვიცესპიკერ დავით ბაციკაძეს SCA-002 ემსახურება და ა.შ.
ამ ბრძანებით ირკვევა, რომ უმაღლეს საბჭოში მანქანების გადანაწილებაში ავტომობილი არ ერგოთ “ნაციონალური მოძრაობის” წევრებს. 14 ავტომობილი “ქართული ოცნების” წევრებსა და მათ მიერ დანიშნულ აპარატის თანამშრომლებს დროებით სარგებლობაში გადაეცათ.
“გურია ნიუსის” მიერ გამოთხოვილ საჯარო ინფორმაციაში, რომლის მიხედვითაც ჩვენ 2012 წლის 1 ოქტომბრიდან 10 დეკემბრამდე უმაღლესი საბჭოს თანამდებობის პირთა მიერ გამოცემული ბრძანებების, ბრძანებულებების და განკარგულებების ქსერო ასლებს ვითხოვდით, არსად ფიქსირდება გადაწყვეტილება ავთანდილ ბერიძის ავტომობილისთვის სახელმწიფო ნომრის SCA-001 გადაცემის შესახებ. აჭარის საკანონმდებლო ორგანოს ხელმძღვანელს “ტოიოტას” ფირმის ავტომანქანა სწორედ ამ ნომრით ემსახურება.
ავთანდილ ბერიძეს ავტომანქანის ნომრის ცვლილების შესახებ “გურია ნიუსმა” რამდენიმე კვირის წინ ჰკითხა. მაშინ საკანონმდებლო ორგანოს ხელმძღვანელმა ასეთი პასუხი გაგვცა: “თქვენ შეგიძლიათ ნახოთ, რომ ეს ნომერი უმაღლეს საბჭოს ემსახურებოდა. შეგიძლია მიბრძანდეთ საპატრულო პოლიციაში და მოიკითხოთ. ნახეთ, როდის არის იქ მოთხოვნა ნომრის შეცვლაზე და ეს ნომერი როდის დაუკანონდა უმაღლეს საბჭოს. უბრალოდ, შეგახსენებთ, რომ უმაღლესი საბჭო არ მუშაობდა, უმაღლესი საბჭო არ ფუნქციონირებდა. ახლა როცა მოვედით ჩვენ, მოვითხოვეთ და მოგვცეს. ამას არანაირი სიმბოლური მნიშვნელობა არ აქვს,” _ ამბობს ავთანდილ ბერიძე.
უმაღლესი საბჭოს თავმჯდომარის ავტომობილის ნომერი, ნებსით თუ უნებლიედ, ხაზს უსვამს მის სტატუსს აჭარის საკანონმდებლო ორგანოში. ეს თემა სოციალურ ქსელებში აქტიურად განიხილებოდა _ სოციალურ ქსელებში წერდნენ, რომ ბერიძემ SCA-001 სპეციალურად მოითხოვა, რათა თავისი სტატუსისთვის ხაზი გაესვა.
ავთანდილ ბერიძეს ასევე ემსახურება დაცვის რამდენიმე თანამშრომელი. ბერიძე ამბობს, რომ წესით ოთხი უნდა ემსახურებოდეს, თუმცა, ამჟამად მხოლოდ ერთი “დაიტოვა”: “სულაც არ მჭირდება პირადად მე, მაგრამ პროტოკოლი მოითხოვს, რომ დაცვა მყავდეს. უნდა აღვნიშნო, რომ ამ დაცვას ძალიან დაბალი ანაზღაურება აქვს. მე შუაღამემდე ვმუშაობ და ხან როდის შევდივარ სახლში, ხან _ როდის. ეს ადამიანი კი სულ თან დამყვება. მასაც აქვს ოჯახი და უნდა ვთქვათ, რომ ძალიან დაბალი ანაზღაურება აქვს,” _ ამბობს ავთანდილ ბერიძე.
ავთანდილ ბერიძის ავტომანქანებს უმაღლესი საბჭოდან თვის განმავლობაში 600 ლიტრი ბენზინი და 600 ლიტრი დიზელი გამოეყოფა. უმაღლესი საბჭო თვეში 7 600 ლიტრ საწვავს ხარჯავს.
ბერიძის ხელფასი თვეში 3 000 ლარამდეა და ყოველთვიურად 150 ლარის სატელეფონო ხარჯები აქვს.
