“სამწუხაროდ, საქართველოს პოლიტიკური ძალები ძველი მენტალობით არიან შებოჭილები. ადგილობრივი თვითმართველობის წევრები ყოველდღიურად ხდებიან შანტაჟის მსხვერპლნი, ხდება კრიმინალური საქმიანობის დაბრალება პარლამენტის წევრების და მათი ოჯახების მიმართ. კოჰაბიტაცია ძალიან მნიშნელოვანია ახლადარჩეულ ხელისუფლებასთან, თუმცა ახალი ხელისუფლება ძალიან ხშრად პოლიტიკურ ელფერს აძლევს უმცირესობის ყოველ აქტივობას. ჩვენ ვართ მოწმეები თავდასხმებისა მოსამართლეებსა და მედიაზე, რაც კარგად გამოჩნდა საზოგადოებრივი მაუწყებლის მაგალითზე, იმის მაგივრად რომ განემტკიცებინათ ყველაზე დაბალანსებული ტელევიზიის იმიჯი, ახალი პრემიერი აიძულებს მაუწყებლის დირექტორს, გადადგეს და აერთიანებს მას თავის ტელევიზია მე-9 არხთან“, _ განაცხადა სააკაშვილმა.
მიხეილ სააკაშვილმა მედიაზე განხორციელებული ზეწოლის მაგალითად მოიყვანა “რუსთავი 2”-ს დირექტორის, ნიკა გვარამიას დაკავების ფაქტი.
“მე ვეთანხმები, რომ ხშირად, ჩვენი კომუნიკაცია არ იყო საკმარისი საზოგადოებასთან, მაგრამ ის დემოკრატიული პროცესები, რაც განხორციელდა, გარკვეულწილად არის ამის გამართლება. მაგრამ, არის თუ არა გამართლებული დღეს სტალინის ძეგლის დაბრუნება, რაც ფინანსდება სახელმწიფო ბიუჯეტიდან?“
პრეზიდენტის თქმით, საქართველოს ჭირდება ევროატლანტიკური ოჯახის წევრობა და ამ ფონზე გაოცებას იწვევს პრემიერ-მინისტრ ივანიშვილის ბოლოდროინდელი განცხადებები.
“დიდი გაოცება გამოიწვია პრემიერის განცხადებამ ერევანში, როდესაც მან ხაზი გაუსვა რომ ქვეყანას შეიძლება ერთნაირად კარგი ურთიერთობა ჰქონდეს რუსეთთან და ნატოსთან და უცნაური ტოლობა დასვა მათ შორის. ამის მაგალითად კი პრემიერმა სომხეთი მოყვანა.რა თქმა უნდა, სომხები ჩვენი მეზობლებია არიან, მაგრამ საქართველომ აირჩია ნატოს წევრობა, სომხეთმა – არა, ეს მისი სუვერენული უფლებაა. ის რაც პრემიერმა განაცხადა, სამწუხაროდ, ცვლის ყველაფერს, რაც ჩვენ აქამდე გვითქვამს. ეს ნიშნავს, რომ შეიძლება ნატოში ჩვენი წევრობა კითხვის ნიშნის ქვეშ დადგეს.
სამწუხაროდ, ასეთი განცხადება მოდის რამდენიმე საგარეო პოლიტიკური ნაბიჯიდან, როცა განაცხადე,ს რომ ბაქო- სტამბულის რკინიგზა არ არის მნიშვნელოვანი და აფხაზეთზე გამავალი რკინიგზა უფრო მნიშვნელოვანია. როცა ციხეში სვამენ ისეთ ადამიანებს, რომლებმაც შექმნეს ჩვენი კონტრდაზვერვის სისტემა, დღეს როდესაც ყველაზე ახლოს ვართ მიზანთან ნებისმიერი დაფიქრება და დაეჭვება საფრთხეს წარმოადგენს“ _ განაცხადა სააკაშვილმა გამოსვლის დასასრულს . სააკაშვილმა იმედი გამოთქვა, რომ კოჰაბიტაცია ახალ მთავრობასთან მაინც შედგება.
რუსეთის წარმომადგენლის კითხვას: იღებს თუ არა პასუხისმგებლობას პატიმართა წამებაზე, სააკაშვილმა ირონიული პასუხი გასცა.
“დიდი მადლობა რუსეთის წარმომადგნელს, რომ ასე ინტერესდება საქართველოში ადამიანის უფლებების დაცვით, თქვენს ქვეყანაში უფლებები მაქსიმალურად არის დაცული და თქვენ შეიძლება მალე მაგალითიც კი გახდეთ ჩვენი ქვეყნისთვის.“
სააკაშვილმა ხაზი გაუსვა, რომ საქართველო არის ერთ-ერთი ყველაზე უსაფრთხო ქვეყანა, ასევე მაღალი სტანდარტი აქვს კორუფციასთან ბრძოლის საქმეში.
მიხეილ სააკაშვილი იუსტიციის სამინისტროს ახალ ინიციატივასაც შეეხო, რომლის მიხედვითაც თანამდებობის პირების საქმეებს ნაფიცმსაჯულთა სასამართლო განიხილავს.
“ახალმა მთავრობამ შემოიტანა ახალი კანონი, სადაც მოსამართლეებს ჩაანაცვლებს ნაფიცმსაჯულთა სასამართლო. ადამიანებს არ ექნებათ საშუალება, თავისუფლად გააკეთონ არჩევანი პროფესიონალმა მოსამართლემ გაასამართლოს თუ არაპროფესიონალებმა. ეს არასერიოზული მიდგომაა და იმედია, არ გავა პარლამენტში.” _ განაცხადა სააკაშვილმა.
