და მხარს დაუჭრეს კოალიციის საერთო კანდიდატს.
“ამ ქვეყანაში დამკვიდრებული ტრადიციაა, რომ როგორც კი მნიშვნელოვანი საკითხი წამოიჭრება, რესპუბლიკელების გარეშემო ტრიალებს ეს ყველაფერი _ რესპუბლიკელების ბრალია, რესპუბლიკელების გამოა, მინდა დაგარწმუნოთ, რომ არაფერ შუაში არ ვართ ბოლო ხანებში განვითარებულ მოვლენებთან. მინდა გიხრათ, რომ “რესპუბლიკურ პარტიას” არ ჰყავს საკუთარი საპრეზიდენტო კანდიდატი მომავალ საპრეზიდენტო არჩევნებზე, “რესპუბლიკური პარტია” მხარს დაუჭერს კოალიცია ქართული ოცნების მიერ შერჩეულ კანდიდატს, იქნება ის რომელიმე პარტიიდან თუ იქნება უპარტიო.”
უსუფაშვილის თქმით, ქვეყნის მოწყობის ახალი მოდელი შეჯერებული იქნება როგორც პოლიტიკურ პარტიებთან, ასევე საზოგადოებასთან, რათა მას მაქსიმალურად მაღალი მხარდაჭერა ჰქონდეს.
“კოალიცია “ქართულ ოცნებას” წინასაარჩევნო პროგრამაში მკაფიოდ ჰქონდა გაცხადებული, რომ კოალიცია მხარს უჭერს საპარლამენტო მოდელს. ამას დავპირდით ხალხს. თუმცა, “თავისუფალ დემოკრატებს თავიდანვე ჰქონდათ განსხვავებული მოსაზრება და ჩვენ შეთანხმებული ვართ იმაზე, რომ ამ მოსაზრებებს შევაჯერებთ და კოალიცია ერთიანი პოზიციით წარსდგება ჯერ საკონსტიტუციო მოდელის თაობაზე და შემდეგ საპრეზიდენტო კანდიდატის თაობაზე. ასე რომ, ეს საკითხი ძალიან მალე სახელმწიფო საკონსტიტუციო კომისიის ფარგლებში გადაინაცვლებს, ეს საკითხი არ იქნება ერთი რომელიმე პარტიის ან კოალიციის გადასაწყვეტი. ჩვენ უნდა შევქმნათ ისეთი მოდელი, რომ დავასრულოთ ყოველწლიურად კონსტიტუციის ჭრა-კერვა. ეს უნდა იყოს სტაბილური და უნდა ჰყავდეს მხარდამჭერები პოლიტიკურ სპექტრში, საზოგადოებაში და უნდა შევთანხმდეთ რომ 15-20 წელი ვიცხოვრებთ ამ მოდელით,” _ განაცხადა დავით უსუფაშვილმა.
