სულ მცირე 23 ჟურნალისტი მოკლეს უკრაინაში 24 თებერვალს რუსეთის შემოჭრის დაწყების შემდეგ. ამის შესახებ რუსული სამსახური BBC News უკრაინის ჟურნალისტთა ეროვნულ კავშირზე დაყრდნობით წერს .
რუსეთის უკრაინის შეჭრიდან(24 თებერვალი) სულ მცირე 23 ჟურნალისტი მოკლა რუსმა ოკუპანტებმა.
უკრაინის ჟურნალისტმა კავშირმა დაღუპულთა ვინაობა გამოაქვეყნა და აღნიშნა, რომ ეს მხოლოდ ის ჟურნალისტები არიან, რომელთა გარდაცვალება უკრაინის გენერალურმა პროკურატურამ ოფიციალურად დაადასტურა.
კიდევ რამდენიმე ჟურნალისტს მრავალი დღეა ვერ უკავშირდებიან, თუმცა მათი გარდაცვალების ზუსტი მონაცემები ჯერ არ არსებობს.
ოფიციალურად გარდაცვლილი ჟურნალისტების სია ასეთია:
დილარბეკ შაკიროვი – სამოქალაქო ჟურნალისტი, რომელიც საინფორმაციო ყოველკვირეული ჟურნალი Around You-სთვის მუშაობდა, მოკლეს 26 თებერვალს, ხერსონის გარეუბანში, სოფელ ზელენივკას მიდამოში ავტომატური იარაღით.
EFE-ს კორესპონდენტი და უკრაინული ტელეარხის LIVE-ის ოპერატორი, 49 წლის ჟურნალისტი ევჰენი საკუნი, დაიღუპა 1 მარტს რუსი სამხედროების მიერ კიევში სატელევიზიო ანძის დაბომბვისას. მასთან ერთად ხუთი ადამიანი გარდაიცვალა, საკუნის ცხედარი კი მხოლოდ პრეს-ბარათით იქნა ამოცნობილი.
სერგეი პუშჩენკო – გრაფიკოსი და ფერმწერი, კულტუროლოგი, უკრაინის ხელოვნების დამსახურებული მოღვაწე, ჟურნალისტური ჯილდოების ლაურეატი, მოხალისე და ATO-ს ვეტერანი, ომის დასაწყისში შეუერთდა ტერიტორიულ დაცვას და გარდაიცვალა 2 მარტს ვასილკოვში.
ვიქტორ დუდაკი – გაზეთ Expres- ის 44 წლის სამხედრო ჟურნალისტი, 6 მარტს ნიკოლაევთან რუს დამპყრობლებთან ბრძოლისას დაიკარგა.
2014 წელს მოხალისედ წავიდა ომში, შეუერთდა 80-ე თავდასხმის ბრიგადას აღმოსავლეთ უკრაინაში.
როდესაც 24 თებერვალს უკრაინაში რუსეთის ფართომასშტაბიანი შემოჭრა დაიწყო, ჟურნალისტმა ზურგჩანთა ჩაალაგა და ფრონტზე ხაზე წავიდა.
პავლო ლი – მსახიობი და ტელეარხის Dom-ის წამყვანი, ომის დასაწყისში შეუერთდა ტერიტორიულ დაცვას და გარდაიცვალა 6 მარტს ირპენთან ახლოს, ის 33 წლის იყო.
ვიქტორ დიედოვი – ტელეკომპანია Sigma-ს ოპერატორი და რეჟისორი 11 მარტს მარიუპოლში სახლის დაბომბვის შედეგად დაიღუპა. დაბომბვისას ვიქტორ დედოვის ბინა დაზიანდა, ის ხაფანგში აღმოჩნდა და მიყენებული ჭრილობების შედეგად გარდაიცვალა.
ბრენტ რენო – The New York Times-ის ყოფილი კორესპონდენტი, HBO, NBC, Discovery, PBS, და ViceNews-ის ჟურნალისტი, რეჟისორი რუსებმა 13 მარტს მოკლეს ირპენში, საგუშაგოზე. რენო 50 წლის იყო
ალექსანდრე ლიტკინი – KNK Media-ს ჟურნალისტი 13 მარტს სოფელ რომანივკაში რუსული დაბომბვის შედეგად დაიღუპა.
ფოტოჟურნალისტი მაკსიმ ლევინი – 13 მარტს გაუჩინარდა და 1 აპრილს კიევის რეგიონში გარდაცვლილი იპოვეს.
40 წლის, ფოტოჟურნალისტად, დოკუმენტურ ფოტოგრაფად და ოპერატორად ბევრ უკრაინულ და საერთაშორისო გამოცემაში, მათ შორის Reuters-თან, BBC-სთან, TRT World-თან, Associated Press-თან, LB.ua-სთან, Hromadske-თან. მისი ფოტოები გამოქვეყნდა ისეთმა გამოცემებმა, როგორიცაა Wall Street Journal, TIME, Break.
პიერ ზაკრჟევსკი – 14 მარტს, კიევის ჩრდილო-დასავლეთით, ბუჩს რაიონში, სოფელ გორენკაში დაიღუპა Fox News-ის ირლანდიელი, 55 წლის ვეტერანი ოპერატორი,
ალექსანდრა(საშა) კუვშინოვა – 24 წლის, უკრანელი ჟურნალისტი და ახალი ამბების პროდიუსერი რომელიც ადგილზე Fox News-ის კონსულტანტად მუშაობდა, Fox News – ს ოპერატორთან ერთად მუშაობდა, 14 მარტს ბუჩაში დაიღუპა. მათთან ერთად, ახალი ამბების შეგროვებისას Fox News-ის ჟურნალისტი ბენჯამინ ჰოლი დაშავდა, რომელიც საავადმყოფოში გადაიყვანეს. მათ ავტომობილს, რუსმა ოკუპანტებმა ცეცხლის გაიხსნეს
ოლეგ იაკუნინი – ზაპოროჟიეს საიტის misto.zp.ua და Afisha.zp რედაქტორი, 18 მარტს დაიღუპა რუს ოკუპანტებთან ბრძოლაში.
ლილია ჰუმიანოვა – ჟურნალისტიკის პროფესორი, ის იყო ლივობერეჟნის რაიონის ბავშვთა და ახალგაზრდობის შემოქმედების სახლის ხელოვნების განყოფილების ხელმძღვანელი, დაიღუპა 19 მარტს მარიუპოლზე რუსული დაბომბვისას;
ოქსანა ბაულინა – რუსული The Insider-ის 42 წლის ჟურნალისტი, 23 მარტს კიევის პოდილსკის რაიონში, რუსული სარაკეტო დაბომბვის შედეგად დაიღუპა. მდებარეობს. მასთან ერთად დაშავდა კორესპონდენტის თანმხლები ორი ადამიანი.
The Insider-ის ცნობით, ჟურნალისტი წინა დაბომბვისას სავაჭრო ცენტრის დაზიანებას იღებდა, რა დროსაც ოკუპანტებმა რაკეტები ისროლეს იმავე მიმართულებით, როგორც ადრე.
ოქსანა ბაულინა, ასევე მუშაობდა ანტიკორუფციულ ფონდში, ტელეკომპანია Belsat-ის რუსულ გამოცემასა და რადიო Svoboda-ში.
The Insider-ის ოფისი რიგაში მდებარეობს
იური ოლიინიკი – ლვოვის ოპერატორი და ფოტოგრაფი, Channel 24-ისა და ZAXID.NET-ის თანამშრომელი, დაიღუპა ლუგანსკის რეგიონში ოკუპანტებთან საომარი მოქმედებების დროს.
ის იყო უკრაინის შეიარაღებული ძალების ერთ-ერთი ბრიგადის ჯარისკაცი, რომელიც საბრძოლო ზონაში ასრულებდა დავალებებს. 39 წლის იური, 23 მარტს უკრაინის აღმოსავლეთში გარდაიცვალა. ის ომში წავიდა რუსეთის, უკრაინაში სრულმასშტაბიანი შეჭრის პირველივე დღეებიდან.
სერხი ზაიკოვსკი – პუბლიცისტი, ისტორიკოსი, მთარგმნელი, გარდაიცვალა 24 მარტს კიევის მახლობლად რუს ოკუპანტებთან ბრძოლაში.
ზაიკოვსკი იბრძოდა უკრაინის შეიარაღებული ძალების “აზოვის” სპეციალურ პოლკის 1-ლი ბატალიონის ტანკსაწინააღმდეგო ოცეულში. ის 25 წლის იყო
დენის კოტენკო — უკრაინის ვეტერანთა საქმეთა სამინისტროს პრესსამსახურის თანამშრომელი. გარდაიცვალა 24 მარტს კიევთან რუს დამპყრობლებთან ბრძოლაში;
ის, სერხი ზაიკოვსკთან ერთად იბრძოდა აზოვის შეიარაღებული ძალების 1-ლი ბატალიონის ტანკსაწინააღმდეგო ოცეულში. ისინი ერთად დაიღუპნენ
ლიტველი რეჟისორი და დოკუმენტალისტი მანტას კვედარავიჩიუსი – 2 აპრილს რუსმა ოკუპანტებმა, ალყაში მოქცეულ უკრაინის ქალაქ მარიუპოლში, ღამით სარაკეტო თავდასხმისას მოკლეს, როდესაც ქალაქის დატოვებას ცდილობდა.
მის ავტომობილს რაკეტა მოხვდა. კინორეჟისორის გარდაცვალების შესახებ 3 აპრილს გახდა ცნობილი.
რეჟისორი, ქალაქში Takflix-თვის დოკუმენტური ფილმისთვის ,, Takflix“ კადრებს იღებდა
ევგენი ბალი — ვეტერანი ჟურნალისტი, მწერალი, მოხალისე, უკრაინის ჟურნალისტთა ეროვნული კავშირისა და უკრაინის მწერალთა ეროვნული კავშირის წევრი, 2 აპრილს მარიუპოლში რუსი სამხედროების წამების შედეგად გარდაიცვალა.
78 წლის მწერალი რუსმა სამხედროებმა 18 მარტს მარიუპოლის მახლობლად მდებარე სოფელ მელექინეში, საკუთარ სახლში, უკანონოდ დააკავეს.
დაკავების მიზეზი, სავარაუდოდ, უკრაინელ სამხედროებთან „მაკომპრომეტირებელი“ ფოტოები გახდა.
რომან ნეჟიბორეცი – ჟურნალისტი, Dytynets არხის ვიდეო ინჟინერი, ოკუპანტებმა ჩერნიგოვის მახლობლად მდებარე სოფელ იაჰიდნეში მოკლეს.
ის რუსულმა სამხედრო ძალებმა ქალაქიდან გაიყვანეს, 6 აპრილს კი უკრაინელმა მოხალისეებმა ნეჟიბორეცის ცხედარი იახიდნეშის საფლავში იპოვეს,
მას მუხლებზე ცეცხლსასროლი იარაღით ქონდა მიყენებული ჭრილობები და ხელები შეკრული ქონდა.
ჟურნალისტის ოჯახის აზრით, ის მოკლეს 5 მარტიდან 9 მარტამდე.
ზორესლავ ზამოისკი – Priirpinnia-ს საზოგადოებისა და საინფორმაციო პორტალის ჟურნალისტი.
ირპინის საქალაქო საბჭოს განცხადებების თანახმად, 2022 წლის 13 აპრილს, დამოუკიდებელი ჟურნალისტი ზორესლავ ზამოისკი ადგილობრივმა მოსახლეობამ გარდაცვლილი იპოვა ბუჩას ქუჩაზე, უკრაინის დედაქალაქ კიევთან ახლოს.
ცხედარს ძალადობრივი სიკვდილის ნიშნები აღენიშნებოდა
ზამოისკი რეგულარულად აშუქებდა ომს ფეისბუქის პირად გვერდზე , სადაც მას 1000-მდე მიმდევარი ჰყავდა, ხოლო მისი ბოლო პოსტი გამოქვეყნდა 2022 წლის 4 მარტს.
ჟურნალისტი ვალერია გოლდანი – 23 აპრილს, ოდესაში რუსი ოკუპანტების სარაკეტო თავდასხმას ემსხვერპლა, მასთან ერთად გარდაიცვალა მისი დედა და სამი თვის ქალიშვილი
რადიო თავისუფლების ჟურნალისტი ვირა გირიჩი – 28 აპრილს კიევის დაბომბვისას დაიღუპა.
ჟურნალისტი სარაკეტო თავდასხმისას საკუთარ ბინაში იმყოფებოდა. 54 წლის ჟურნალისტი რადიო თავისუფლებაში 2018 წლის თებერვლიდან მუშაობდა.
ავტორი
