საჭირო მასალა: ქათმის მკერდი ფრთის ნაწილთან ერთად, კარაქის ნაჭერი, ოხრახუში და კამა, Ѕ ლიმონი, 1 ცალი კვერცხი, 3-4 ნაჭერი თეთრი პური, მარილი, ზეთი შესაწვავად.
მომზადება: ბლენდერში ავთქვიფოთ კარაქი და დაჭრილი მწვანილი. თუ ბლენდერი არ გვაქვს, დავნაყოთ მწვანილი და შევურიოთ კარაქში, რომ მან მწვანე ფერი მიიღოს, შევაზილოთ ნახევარი ლიმონის წვენი; მივცეთ მოგრძო ფორმა ცელოფანის მეშვეობით და შევდოთ საყინულეში. მთლიან ქათამს ავაჭრათ მკერდი ფრთის ძვალთან ერთად. შეგვიძლია გამოვიყენოთ მზა ქათმის მკერდი უძვლოდ. გავჭრათ შუაზე ისე, რომ არ დავაშოროთ ერთმანეთს, მოვაცილოთ ძარღვები და კანი. დავბეგვოთ ხის ჩაქუჩით ან დანის ტარით. უმჯობესია, თუ ცელოფანს გადავაფარებთ დაბეგვის დროს, რომ ფილეს მთლიანობა არ დაირღვეს. მოვაყაროთ მარილი, დავადოთ “მწვანე” გაყინული კარაქის ნაჭერი, შევახვიოთ ოვალური ფორმით და შევდოთ მაცივარში.
საფანელისთვის თეთრი პურის ნაჭრები აირღუმელში გამოვაშროთ და მსხვილად დავფხვნათ. კვერცხი ავთქვიფოთ ჩანგლით, შევაზავოთ მარილით. გაცივებული კატლეტი ამოვავლოთ კვერცხში, შემდეგ საფანელში, შემდეგ ისევ კვერცხში და ისევ ორცხობილაში. ჩავუშვათ კატლეტები მდუღარე ზეთში 5-6 წუთით. გარნირად უხდება ახალი სალათის ფოთლები, პამიდორის, კიტრის ნაჭრები, მწვანე ხახვი, ფანტია ბრინჯი.
