ყვავილების მტვერი, რომელსაც ჩვენ ჭეოს ვეძახით, ყველა დაავადებისთვის უებარი წამალია _ მისი მცირე დოზით მიღების შემთხვევაშიც კი, მამაკაცებს არ ემართებათ პროსტატა, დაავადების შემთხვევაში განკურნავს, და ყოველგვარი ავთვისებიანი სიმსივნისგანაც დააზღვევს!
ფუტკრის რძე აუწერელი სიკეთის მომტანია ადამიანის ჯანმრთელობისათვის.
ფუტკრის მიერ მცენარეების და ბოსტნეულის დამტვერვით, 10-ჯერ მეტ და ხარისხიან მოსავალს ვიღებთ. თაფლს თუ გაყიდი, შემოსავალია, ოჯახს და ახლობელს თუ აჭმევ _ ჯანმრთელი და მადლიერი გეყოლება!
თავის დროზე, თევზაობის დროს გუბაზეულის ძველ ხიდზე დაჭერილი ფუტკრის ნაყარით დღეს, თავს ენერგიულად ვგრძნობ და 20 წლით, მხნედ გამოვიყურები ჩემს ასაკთან შედარებით. ამ პატარა მწერის სიყვარულმა მთელ საქართველოს გააცნო ჩემი თავი. მეფუტკრეობამ მომცა ბედნიერება გამეცნო აწ განსვენებული აკადემიკოსი არჩილ ლოლუა, მეფუტკრეობის დიდი ქომაგი, ჟურნალ “საქართველოს მეფუტკრის” რედაქტორი, პროფესორი ვენერა სტეფანიშვილი, პროფესორი ეროდი მუმლაძე, და საქართველოს მეფუტკრეობის პრეზიდენტი გივი მენთეშაშვილი, რომელიც ტელევიზიის საშუალებით სამაგალითო მეფუტკრედ მასახელებდა, ვზრდიდი ბევრი რაოდენობით ახალგაზრდა მეფუტკრეებს და ვჩუქნიდი ფუტკარს მათ; განსაკუთრებით, თუ გავიგებდი მეფუტკრე ფუტკრის გარეშე დარჩა, ვჩუქნიდი მათ ფუტკრის ოჯახებს, უცნობებსაც კი. მიმაჩნია, რომ მეფუტკრე უნდა იყოს ყველაზე კეთილი და პატიოსანი კაცი, ამიტომ აფხაზეთის ომში თავდაცვის ფონდში, რაიონში კერძო პირთა შორის და ზოგ წარმოებასთან შედარებით ყველაზე დიდი თანხა ჩავრიცხე.
მთავარი მიზეზი, რამაც ამ სტატიის დაწერა გადამაწყვეტინა, ისაა, რომ გული მწყდება, რადგან საქართველოში 1000 ტონამდე თაფლი იკარგება, ფუტკრის რაოდენობა საქართველოში ცოტაა. თუ ყველა ქართველი გულთან მიიტანს ჩემს წერილს, საქართველოს პრეზიდენტიც დაგვეხმარება, რომ ქართული ფუტკრის სხვადასხვა პროდუქტი _ თაფლი, რძე, დინდგელი, ყვავილების მტვერი, ფუტკრის შხამი, ფუტკრის დედები…. ეს დიდ შემოსავალს მოუტანს საქართველოს,
ჩვენ ქართველები უნდა ვიყოთ ჩვენი ქვეყნის პატრიოტები, უნდა გვიხაროდეს ჩვენი ქვეყნის წინსვლა და მაშინ ყველაფერი ჩვენს სასარგებლოდ იქნება. ყველა ქართველს ვთხოვ, მოამრავლოს ფუტკარი, ამით თქვენი პირობები და ჯანმრთელობა გაუმჯობესდება, თქვენც ბედნიერი იქნებით და ღმერთს სანთელს აუნთებთ!
რომან მამალაძე, საქართველოს დამსახურებული მეფუტკრე, ღირსების მედლის კავალერი, ჩოხატაურის მეფუტკრეობის პრეზიდენტი
