საკითხი ძალიან მარტივად დგას, როცა მარგველაშვილს ემიჯნები გინდა არ გინდა ივანიშვილს ემიჯნები. ბურჯანაძე გირჩევნიათ? კი ბატონო. მაგრამ ასეთი ფუყე არგუმენტაცია არ გეკადრებათ. ანდა, რომ გარბიხართ ვის გაურბიხართ. ისინი წასულიყვნენ ვინც თქვენ გავიწროვებდათ. იქნებ გგონიათ ბურჯანაძის გამარჯვების შემთხვევაში (რაც გამორიცხულია) ხონჩით მოგართმევენ ადგილს “მზის ქვეშ”. მწყდება გული, ცოტა მეტი მოთმინება რომ გამოგეჩინათ? _ პასუხობს კოალიციიდან გამიჯნულებს გამგებლის მოადგილე ვახტანგ ზენაიშვილი სოციალურ ქსელ ფეისბუკში.
ორგანიზაციიდან წასულ წევრებს ლანჩხუთის ორგანიზაცია თავისუფალი დემოკრატების ხელმძღვანელი ელგუჯა ჩხაიძეც გამოეხმაურა და ამბობს, რომ ის ნაწილობრივ იზიარებს თავისი წევრების პოზიციას და თვლის, რომ როგორც მთელ საქართველოში, ისევე ლანჩხუთშიც “ნაციონალები“ ისევ მართავენ პროცესებს, რამაც გამოიწვია ამ თავდადებული ხალხის გაღიზიანება. აგრესიულად მოქმედი ადამიანები შტაბში, რომ მიგითითებენ რა უნდა გააკეთო, ეს მართლაც საშინელებაა. მაგრამ შევეცდები კოალიციურ რეჟიმში მაინც ვიმუშაოთ.
_ ამ ადამიანებს ვერ გავამტყუნებ საქციელს, რამდენიმეჯერ ვეცადე ამ ადამიანებისთვის მიექციათ ყურადღება, ამის საშვალება ნამდვილად იყო, არაფრად არ ჩავთვალე და წავიდნენ, იმ ხალხთან ჩვენ მართლები არ ვართ. ისევ ისინი მართავენ პროცესებს, არავის პასუხი არ უგია საკუთარ დანაშაულზე, მხოლოდ სიტყვიერად მიდის დაპირება და მეტი არაფერი.
_ ვის გულისხმობთ ისევ ისინი მართავენ, რომ ამბობთ?
_ არის გარკვეული სამსახურები, სადაც ისევ ძველი ხალხია დარჩენილი.
_ თუმცა თქვენც “ ნაციონალობის“ დროინდელი კადრი დააბრუნეთ, რომელიც არჩევნებამდეც და შემდეგაც გამგეობის სოციალურ სამსახურს ხელმძღვანელობდა (იგულისხმება თამარ ასკურავა), ამანაც ხომ არ გამოიწვია თქვენი ორგანიზაციის წევრების გაღიზიანება?
_ მე ვენდე ამ პიროვნებას, და ის არის ჩვენი წარმომადგენელი საოლქოში, გადავამოწმეთ კიდეც ამ პიროვნების შესახებ ინფორმაცია და ჟურნალისტებსაც არაერთხელ ვუთხარით, რომ თუ აქვთ ამ ადამიანის მიმართ კომპრომატი ეთქვათ, თუმცა თუ მხოლოდ ისაა კომპრომატი, რომ “ ნაციონალების „ დროს მუშაობდა ეს არაფერს არ ნიშნავს. ასკურავას ჩვენ წარმომადგენლად დანიშვნა ერთპიროვნულად არ გადამიწყვეტია, ყველაფერი ჩემი პარტიის წევრებთან იყო შეთანხმებული. ერთს არ უთქვამს, რომ ეს ცუდია. ვისაც დანაშაული არ ჩაუდენია დღესაც ღიაა ჩვენი კარები მათთვის, ხალხი ვისაც გამოცდილება და პრაქტიკა აქვს რას ლაპარაკობთ ხელი უნდა ვკრათ და ახალი მივიღოთ? ახალმა უნდა ისწავლოს გამოცდილი კადრის ხელში, _ ამბობს ელგუჯა ჩხაიძე.
