კანცელარიის უფროს მაია ცქიტიშვილის სახელზე გაგზავნილ წერილში ნათქვამია, რომ მთავრობის პირველი პირები ნებისმიერ დროს ჯიპებიდან გადმოუსვლელად გადაადგილებიან პარკში, რომელსაც დღის განმავლობაში უამრავი ბავშვი და ტურისტი სტუმრობს.
“ფუნიკულიორის რესტორნის გახსნიდან პარკის ადმინისტრაცია ახალი პრობლემის წინაშე დადგა _ სხვადასხვა სამთავრობო უწყებების პირველი პირები სისტემატურად, ნებისმიერ დროს ითხოვენ გადაადგილებას პარკის ტერიტორიაზე რესტორნის მიმართულებით. ამის გამო ვიზიტორებს ექმნებათ სერიოზული დისკომფორტი, რის გამოც გამოთქვმენ უკმაყოფილებას. დაგვერწმუნეთ, ნამდვილად არ გამოიყურება ესთეტიურად დაცვის თანმხლები შავი ჯიპების კოლონა ბავშვებითა და უცხოელებით სავსე პარკის შუაგულში. ასეთ პრეცენდენტს ვერ ნახავთ მსოფლიოს ვერც ერთ პარკში.
ჩვენ დარწმუნებულები ვართ, რომ სამთავრობო უწყების ყველა პირი არ არის ინფორმირებული იმის შესახებ, რომ არსებობს სპეციალური პარკირების ადგილი, რომელიც ჩვენ გამოვუყავით რესტორანს და რესტორნიდან მხოლოდ 20-30 მეტრის დაშორებითაა”
მთაწმინდის პარკის დირექცია მთავრობის კანცელარიას ავტოსადგომის არსებობის შესახებ მინისტრების ინფორმირებას სთხოვენ .
მთაწმინდის პარკის მიერ მთავრობის კანცელარიაში გაგზავნილ წერილს “თავისუფალი ზონა” ავრცელებს.
