ამის შესახებ დღეს ქობულაძემ დემოკრატიული ჩართულობის ცენტრში ისაუბრა. მისი თქმით, ქუთაისელები ამერიკიდან ჩამოსულ მერს იმ იმედით დახვდნენ, რომ ქალაქში რამე შიცვლებოდა, თუმცა, მას შემდეგ, რაც დიმიტრი კოპალიანმა “პატრიოტთა ალიანსის” ლიდერს უარი უთხრა ქალაქის მწვანე ზოლში ტერიტორიის 25-წლიანი იჯარით აღებაზე, ამის შემდეგ განაწყენდა “პატრიოტთა ალიანსის ” ლიდერი მერზე და პარტიაში დაიწყეს საუბარი, რომ კოპალიანი მოვალეობებს თავს ვერ ართმევს და მისი იმპიჩმენტის საკითხიც აქტუალური გახადეს.
“საზოგადოებრივი ინტერესების დაცვის ცენტრის” თავმჯდომარე ქუთაისის ყოფილ მერს გია თევდორაძესაც იხსენებს და აღნიშნავს, რომ დღეს ქუთაისის მერია ნაციონალების შტაბ-ბინად არის გადაქცეული, რომელსაც საპარლამენტო უმცირესობის წევრი გია თევდორაძე მფარველობს. ქობულაძე ხელისუფლებას მიმართავს და მოუწოდებს რომ დაინტერესდნენ ქუთაისით და გოჩა თევდორაძით, რომელიც არცთუ ისე სუფთა წარსულის მქონე ადამიანია, რომ ვერ შეეხონ. თუმცა, აქვე აღნიშნავს, რომ თევდორაძეს ცენტრალურ ხელისუფლებაში მფარველი ჰყავს.
თევდორაძის კომენტარს მის საწინააღმდეგო ბრალდებებზე რამდენიმე წუთში შემოგთავაზებთ.
