ბაღათურია აცხადებს, რომ ამ დუმილით ყველა ერთად “ჩაიყლაპება” და შედეგებს არ მოიტანს. ერთადერთი, რაც დაჩქარდება, ეს იქნება ვადამდელი საპარლამენტო არჩევნები.
“ქართული დასის” ლიდერის განცხადებით, თუ ოთარ ფარცხალაძე მოახერხებს და ბრალდებულის სკამზე დასვამს სააკაშვილს და მისი გუნდის წევრებს, საზოგადოება მთავარი პროკურორის ირგვლივ ატეხილ აჟიორაჟს გამართლებას მისცემს და “გაატარებს”.
“თუ ფარცხალაძე გამოიჩენს ფხას, უახლოეს ხანებში ბრალდებულის სკამზე დასვას სააკაშვილი და მისი გუნდი, ხალხი ამ აჟიოტაჟს გაატარებს. ჩვენ მზად ვართ მთავრობას სამართლიანობის აღდგენაში პოლიტიკური მხარდაჭერა გამოვუცხადოთ კანონიერების ჩარჩოებში და ყოველგვარი გამდაცდომების გარეშე. მე არ ვამართლებ ყაჩაღობაში ეჭვმიტანილის თანამდებობაზე დანიშვნას და შემდეგ ყველა ხერხის გამოყენებას მის შესანარჩუნებლად. ქვეყანაში სამართლიანობა უნდა აღდგეს, ბევრი დამნაშავე უნდა დაისაჯოს კანონის ფარგლებში, ამ დროს კი მთავარი ბრალმდებელის ბანდიტიზმში გარევა ამცირებს მის ლეგიტიმაციას”.
“ქართული დასის” ლიდერი აცხადებს, რომ “ნაციონალურმა მოძრაობამ” მოახერხა მთავარი საკითხების ყურადღების მიღმა დატოვება, რამაც პროცესების დაგვაინებას შეუწყო ხელი.
“ნაციონაურმა მოძრაობამ” მოახერხა და დღეს მთავარი განსახილველი ის კი არ არის რა სისასტიკე მოხდა 26 მაისს, როგორ ეპყრობოდნენ პატიმრებს, სულხან მოლაშვილის წამების ფაქტებიც კი საკმარისია ამ სურათის აღსაქმელად, რამდენ კორუფციულ გარიგებას ჰქონდა ადგილი და რამდენი მილიონია მოპარული, არამედ დღის წესრიგი შეიცვალა და განხილვის მთავარ თემად იქცა მერაბიშვილის აბსურდული განცხადება და რამის “განტევების კრავად” შერაცხული უგულავას გარეშე ღამით ქალაქის დატოვება”.
ბაღათურია მიიჩნევს, რომ გვიანდება პროცესები, საჭიროა პროკურატურის გააქტიურება და სახელმწიფომ დაჩქარებული წესით უნდა გამოიძიოს დანაშაული და არ გახდეს გადაფარებით ამ დანაშაულის თანამონაწილე.
ჯონდი ბაღათურია ქალაქის მერის უფლებამოსილების შეჩერების თემასაც შეეხო და განაცხადა, რომ სასამართლომ შეგნებულად მიიღო ასეთი გადაწყვეტილება. მისი თქმით მოსამართლეს ამ გადაწყვეტილების მიღებაში ხელი შეუწყო სწორედ უგულავას და მერაბიშვილის მიერ მიღებულმა კანონმა, რასაც აპროტესტებდა ოპოზიცია და საპარლამენტო უმრავლესობას აუცილებლად უნდა გაეუქმებინა ეს ნორმა.
“თბილისის მერის ღამის პირველ საათზე თანამდებობიდან გადაყენება, საკმაოდ ცუდად გამოჩნდა საერთაშორისო საზოგადოების თვალში. აქ უკვე მეორე პლანზე გადაინაცცლა იმან, რომ აღმკვეთ ღონისძიებად მოსამართლემ პატიმრობა არ შეუფარდა უგულავას. არავის არ უნდა დაავიწყდეს, რომ დალი მეტრეველი ის მოსამართლეა, რომელმაც სრულიად უდანაშაულო გვანცა ყუფარაძეს 10 წელი პატიმრობა მიუსაჯა, ეს ის მოსამართლეა, რემელიც „ნაციონალური მოძრაობის“ კრიმინალური ბანდის მმართველობის პერიოდში დაინიშნა და მათი ბრძანებების უშუალო აღმსრულებელი იყო. აქედან გამომდინარე, მაქვს საფუძვლიანი ეჭვი ვივარაუდოთ, რომ უგულავას ამ ფორმით გადაყენება შეგნებულად იყო გაკეთებული. მოსამართლემ ნაციონალებს ჭიქაში ატეხილი ხმაურის საშუალება შეგნებულად მისცა”.
