დღეს კლუბის წარმომადგენლებმა პრესკონფერენცია გამართეს და კომენტარი გააკეთეს. პრესკონფერენციას არ ესწრებოდა ინციდენტის ოთხი მონაწილედან ერთ-ერთი _ ედიშერ ჟორდანია.
“გურია ნიუსის” ჟურნალისტმა პრესკონფერენციის დაწყებისას დააფიქსირა, რომ მედიასახლი გმობს ჟურნალისტზე ზემოქმედების ნებისმიერ ფაქტს და თანადგომას უცხადებს კოლეგას.
პრესკონფერენციას ესწრებოდნენ საჯარო მოხელეებიც. მოგვიანებით მოვიდა მაჟორიტარი დეპუტატის ბიუროს უფროსი და პარტია “ქართული ოცნების” თავმჯდომარე გიორგი გეგიაძე, რომელმაც ოფიციალურად ბოდიში მოიხადა მომხდარი ფაქტის გამო და დაგმო თავისივე პარტიის წევრების საქციელი _ გუშინდელ ინციდენტში მონაწილე ნუგზარ ცინცაძე და გიალოჩხაიძე პარტიის წევრები არიან.
“დღეს მე ოფიციალურად ვიხდი ბოდიშს გუშინდელ ფაქტის გამო; რაც არ უნდა სწორი იყოს თქვენი საქციელი, არაა მართალიჟურნალისტის მიმართ მსგავსი ქცევა. რაც შეეხება მომხდარს, ყველაფერს პასუხი უნდა გაეცეს ცივილიზებული გზით. მე კიდევ ერთხელ ვაფიქსირებ ჩემს აზრს, რომ ეს არის ცუდი საქციელი, რაც ბიუროსშეკრებაზეცვთქვი,”_ განაცხადა გეგიაძემ.
პრესკონფერენციაზე ნუგზარ ცინცაძემ უარყო მათი მხრიდან ჟურნალისტის მიმართ აგრესია: “ის, რომ ჩვენ ვინმეს მივუვარდით, შეურაცხყოფა მივაყენეთ, აბსურდია. უბრალოდ, მასთან გვინდოდა საუბარი. მოგეხსენებათ, ჟურნალისტი მამუკა ქანთარია მუშაობდაკლუბ”გურიას”პრესსამსახურში. რაც ხელმძღვანელობა შეიცვალა და თვითონაც წავიდა სამსახურიდან, მისი შემოტევებიკლუბისმიმართ სისტემატური გახდა. იმის ნაცვლად, რომ გვერდში დასდგომოდაკლუბს, დაიწყო ცრუ ინფორმაციების გავრცელება. აქ უშუალოდ პოლიტიკაა ჩართული, ეს გაზეთი ემსახურება “ნაცმოძრობას”_ ცუდის მეტს ვერაფერს ნახავთ დაწერილს მისი მხრიდან ლანჩხუთის “გურიაზე”.
მინდა გაჩვენოთ სახელფასოუწყისი,რომელიც უკვე გამოაქვეყნა რამდენიმე გაზეთმა _ 38 ათასი ლარი მამუკა ქანთარიას მარტო პრემიის სახით აქვს აღებული. დავუბრუნდები იმას, რომ როცა ამდენი სიბინძურე ხდებოდა შენს თვალწინ, მაშინ არ იღებდი ხმას და ახლა რა არის, რომ ვერ შეწყვიტე კლუბ”გურიას”ლანძღვა გაზეთის ფურცლებიდან?! _ განაცხადა ცინცაძემ, _ მინდა განვაცხადო, რომ ახლანდელი კლუბის დირექტორის დამ, მარინა თოთლაძემ მოიწვია კერძო აუდიტი ძველი ხელმძღვანელობის საქმიანობის შესასწავლად. დასკვნის შედეგად 250 ათასი ლარის გარღვევაა აღმოჩენილი. არ გვინდოდა ეს გამჟღავნებულიყო, გამომდინარე იქედან, რომ ყველა ლანჩხუთელებივართ, მაგრამ უკვე აღარ გავჩერდებით, უკვე შევიტანეთ გაცხადებას გამგეობაში აუდიტის დასკვნის გამოთხოვისშესახებ და როგორც კი ხელმისაწვდომი გახდება ჩვენთვის, მაშინვე მივიტანთ პროკურატურაში”.
კლუბის სპორტულმა დირექტორმა თემურ ალექსაიამ, რომელიც ინციდენტში მონაწილეობდა, განაცხადა, რომ რედაქციისა და ჟურნალისტის მუშაობისთვის ხელის შეშლას ადგილი არ ჰქონია:
“დაიწერა, თითქოს ხელი შევუშალეთ მუშაობაში რედაქციას; არაფერში ხელი არ შეგვიშლია,ვთხოვეთ გარეთ გამოსულიყო და იქ ვესაუბრეთ.
გვინდოდა, პასუხიგაეცაიმაზე, რაც დაწერა, მაგრამ მოხდა ცუდი ფაქტი. ყოველთვის, როცა გუნდს კრიზისი შეექმნა, სწორედ მისმა წერილებმა გამოიწვია, ყოველთვის უარყოფითს წერდა. ეს არის ჩასაფრებისპოლიტიკა, რომ ვერ ვიმუშაოთ, გუნდი არ შეიკრიბოს; იქ, სადაც გუნდია, ვალიცაა და ყველაფერი შეიძლებამოხდეს, მაგრამ ყველა ხედავს, რომ გუნდს შედეგი აქვს და ეს აუცილებლად ასე გაგრძელდება. წერილში თუ წერს, რომ რამე დარღვევაა, მობრძანდეს,ყველა საბუთი მზად გვაქვს. თუ რამე დარღვევაა, პასუხს ვაგებთ. ასე არ უნდა გაგრძელდეს, ეს ერთხელ და სამუდამოდ უნდა შეწყდეს. ჭორაობით ხელის შეშლა საქმეში არ შეიძლება, კლუბი უნდა შეკრებილიყო, მაგრამ ამ ჭორების გამო ხელი გვეშლება,” _ თქვა ალექსაიამ.
ჟურნალისტის მამუკა ქანთარიას თქმით, ის რაც პრესკონფერენციაზე ითქვა, სრული აბსურდია: _ ეს არის სრული აბსურდი, რითაც იმის გამართლება სურთ, თითქოს “პრემიებს” მივტირი! სინამდვილეში, ლამის მეხვეწებოდნენ კლუბში დარჩენას, ანუ კიდევ “38-ათასიან პრემიას”, მაგრამ რეალურად მიღებული თანხა იმ 17 თვეზე რომ გავყოთ, როცა კლუბში ვმუშაობდი, თვეში საშუალოდ 270 ლარი გამომდის ხელზე აღებული; მათი ანგარიშით კი, 10-ჯერ მეტი _ თვეში 2 265 ლარი (38 000 გაყოფილი 17 თვეზე) უნდა მიმეღო. ალბათ, მალე შემივსებენ 38 000-მდე!!! ეს, რა თქმა უნდა, ხუმრობით. სერიოზულად არც შეიძლება ასეთ პრემიაზე საუბარი, _ ამბობს მამუკა ქანთარია.
