ამ დილით ქალაქ ოზურგეთში, ლესელიძის ქუჩაზე მცხოვრები მირიან ხინთიბიძის მანქანა აფეთქდა. მანქანაზე გაჩენილი ხანძარი საცხოვრებელ სახლს გადაედო.
_ ყველანი გაოგნებული ვართ. როგორც მირიანმა მითხრა, მანქანა ეზოში ჰყავდა დაყენებული. დილას, დაახლოებით 6 საათზე მომხდარა აფეთქება. მანქანასთან ერთად საცხოვრებელი სახლიც დაიწვა. საბედნიეროდ, ამ აფეთქებას მსხვერპლი არ მოყოლია, _ თქვა ჩვენთან საუბრის დროს ხინთიბიძის ახლობელმა.
