ქალაქ ოზურგეთის მუნიციპალიტეტის საკრებულოს დეპუტატებმა თამარ ნადირიძემ და ნათია შარაშენიძემ, გუშინდელი საკრებულოს სხდომაზე მომხდარ ინციდენტთან დაკავშირებით დღეს საკრებულოს თავმჯდომარეს გელა კობალაძეს თხოვნით მიმართეს:
"საიდან აქვს ამდენი უფლება ბეგლარ სიორიძის მრჩეველს? ან კონკრეტულად რას წარმოადგენს? რა ეხება, აქვს თუ არა იმის ფუნქცია, რომ ჩაერთოს საკრებულოს საქმიანობაში და ზეწოლა მოახდინოს თითოეულ ჩვენგანზე? რა გადაწყვეტილებებში ღებულობს მონაწილეობას? შეიძლება თუ არა წარმომადგენლობითი ორგანოს საქმიანობაში ჩაერთოს მერიის თანამშრომელი? ბატონო გელა გაგვეცით ამაზე პასუხი და იზრუნეთ ჩვენს უსაფრთხოებაზე!" , – მიმართავდნენ დეპუტატები საკრებულოს თავმჯდომარეს.
ქალაქ ოზურგეთის მუნიციპალიტეტის საკრებულოს დეპუტატმა თამარ ნადირიძემ საკრებულოს თავმჯდომარეს უსაფრთხოების დაცვა მოსთხოვა:
"ბატონო გელა, თქვენ იცით, რომ ჩვენ ძალიან დიდ პატივს გცემთ, მაგრამ გვინდა გითხრათ, რომ ის რაც საკრებულოს სხდომაზე მოხდა, ეს იყო წინასწარ კარგად ორგანიზებული და დაგეგმილი სცენარი ჩვენს მიმართ, ამიტომ არ გვინდა ვფიქრობთ, რომ ამის შესახებ თქვენც საქმის კურსში იყავით, მე ვამაყობ ჩემი საკრებულოს თავმჯდომარით, თქვენით ბატონო გელა და წევრებით, მქონდა იმედი რომ თქვენც და დეპუტატებიც ჩვენ მხარს დაგვიჭერდით, მე არ მივიღე რაიმე ზომები, იმიტომ, რომ ვფიქრობდი ჩემი საამაყო საკრებულო გუშინდელ პროვოკაციულ, შეურაცხმყოფელ, ადამინის ღირსების შემლახველ ინციდენტის თანამონაწილე არ გახდებოდა, მაგრამ სამწუხაროდ, აღმოვჩნდით სულ სხვა რეალობის წინაშე. საკრებულოს სხდომა, სადაც გამიზნული იყო ჩვენი, ოპოზიციონერი დეპუტატების განადგურება, ფსიქოლოგიურად, ღირსების შელახვა, პიროვნული შეურაცხყოფა, შეგვიზღუდეს გამოხატვის თავისუფლება, შეგვიზღუდეს ფიზიკური გადაადგილება, ბატონო გელა, მოგმართავთ თხოვნით, რასაც მიეცემა წერილობითი ხასიათიც, დღეიდან უზრუნველყოთ ჩვენი უსაფრთხოება.
სოციალურ ქსელში რა განცხადებას მე გავაკეთებ, ამის გამო დაკითხვას მიწყობს ქალაქის მერი საკრებულოს სხდომაზე? მაშინ წინასწარ გამაფრთხილეთ, რა ესიამოვნება მერს და მის მრჩეველს და გავაკეთებ! ან ერთი და ორი ადამიანის სიამოვნებაზე მოვარგოთ თვითმმართველობა. მე დავრწმუნდი ერთ რამეში, რომ რაც "ნაციონალურმა მოძრაობამ" ბოლომდე ვერ მიიყვანა , ის საქმიანობა დღეს "გააგრძელა ქალაქ ოზურგეთის ხელისუფლებამ, მე სიტყვის გამოხატვის თავისუფლება შემიზღუდეს, ამიტომ მივმართავ სამართალდამცავ ორგანოებს, ჩაერთონ ამ საქმეში, უმაღლესი თანამდებობის პირს, რომელსაც თმენის ვალდებულება არ გააჩნია, ის ყოველთვის არაადექვატური იქნება.
წუხელ ჩემს ტელეფონზე განხორციელდა ზარი, სადაც მითხრეს, რომ ფრთხილად იყავი სახლი არ დაგეწვასო!", _ განუცხადა თამარ ნადირიძემ საკრებულოს თავმჯდომარეს.
დეპუტატმა ნათია შარაშენიძემ კი საკრებულოს თავმჯდომარეს, ქალაქის მერის მიერ გუშინ საკრებულოს სხდომაზე გაკეთებულ განცხადებაზე რეაგირება მოსთხოვა:
"ბატონო გელა, მე შემიზღუდეს თავისუფლება უკანონოდ, ამაში ჩართული იყო ბატონ ბეგლარ სიორიძის მრჩეველი, იცით ბატონ მერს რა უნდა გაეკეთებინა? დებატებში უნდა გამოვეწვიე, ან მიემართა სასამართლოსთვის, დავჯდებოდით საჯაროდ დებატებში და ხალხი შეაფასებდა ვინ იყო მტყუანი და ვინ მართალი. ეს არის ბატონო გელა დემოკრატია და არა ის, რომ საკრებულოს სხდომაზე სადაც უნდა დამტკიცდეს ბიუჯეტი ქალაქის მერმა მოახდინოს ძალის დემონსტრირება, ხელების გადაგრეხვა და "ქურდული გარჩევები" , რადგან ოზურგეთი პატარაა, ეს არ ნიშნავს, რომ " მაფიოზურად" მართოს მერმა მისი ქალაქი და ქალ დეპუტატეზე ზეწოლა განახორციელოს ძალის დემონსტრირებით, რასაც ადგილი ჰქონდა გუშინ საკრებულოს სხდომაზე. შემიზღუდეს თავისუფლება, გარეთ არ მიშვებდნენ, გონი დავკარგე, უცებ დავჯექი, შოკში ჩავვარდი, ამას არ ველოდი, ხელის გადაგრეხვები საკრებულოს სხდომაზე? გადამეღობა მრჩეველი შენ ვერსად ვერ წახვალო, დაჯექი მანდ, აბა გაადგი ფეხი! ბატონო გელა მოგმართავთ თხოვნით, დაიცავით ჩვენი უფლებები და უზრუნველყოთ ჩვენი გადაადგილება.
ბატონმა მერმა ისიც კი არ იცის, რომ ჩემს კითხვებს რომ უნდა უპასუხოს, ვალდებულია გამცეს პასუხი დებატების კუთხით და არა ძალების დემონსტრირებით, ოთახში ჩაკეტვით, დამუქრებებით ამდენი ხალხი ყველა მტყუანია და მარტო ბატონი ბეგია მართალი? თავის თავში რომ ეძებოს არა? სიტყვა არ გითქვია, ეს რა არის? ჩვენ პოლიტიკოსები ვართ, ხან განცხადებებსაც გავაკეთებთ, ასე გაგრძელება არ შეიძლება, ამიტომ თქვენ უზრუნველყოთ ჩვენი უფლებები და განუმარტეთ მერს, რომ ასე არ შეიძლება ვიწრო რაიონულ მაფიოზურ ჭრილში ქალ დეპუტატებთან არჩიოს საქმე! რა იფიქრა, რომ შეგვეშინდება? რატომ იმაზე არ თქვა არაფერი, რომ პირდაპირი წესით, შესყიდული საპროექტო დოკუმენტაციაში 59 000 ლარი აქვს გადახდილი?" – უთხრა ნათია შარაშენიძემ.
საკრებულოს თავმჯდომარემ გელა კობალაძემ მათ პირობა მისცა, რომ მათ უსაფრთხოებას არანაირი საფრთხე არ ემუქრებათ:
"ჩემი დასაცავი მერს არაფერი არ სჭირს, მე გეტყვით ჩემს მოსაზრებას, ბატონი ბეგი გააღიზიანა ქალბატონო ნათია თქვენმა განცხადებებმა, რომელზედაც მე ვარ პასუხისმგებელი, რომ ეს სინამდვილეს არ შეესაბამება, ბატონ მერს არ მოუხმარია 27 ათასი ლარის საწვავი, რაც შეეხება კონკურსანტებს, რომლის მისამართითაც თქვენ განაცხადეთ, რომ არცერთი ოპოზიციონერი არ ესწრებოდა კომისიაში, ამისთვის თქვენ წერილობით, განცხადებით არავისთვის არ მიგიმართავთ, თქვენ ამბობთ, რომ წერა კითხვის უცოდინარი ხალხი მუშაობს ქალაქის მერიაში, ეს შეურაცხყოფაა ქალბატონო ნათია და გამაღიზიანებელია თითოეული თანამშრომლისთვის, ამაში დამეთანხმეთ. რაც შეეხება დებატებს, ეს თემა ასე ვფიქრობ, რომ ასე არ დასრულდება, დებატებიც წავა და სასამართლომდეც მივა საქმე, სადაც ცივილირებული ფორმით მოხდება მტყუან – მართალის გარჩევა.
ქალბატონო ნათია, გამოდის რომ ან თქვენ ტყუიხართ, ან ვინმემ შეცდომით მოგაწოდათ ინფორმაცია, ეს ხომ უნდა გაირკვევს? ბატონმა მერმა ითხოვა სიტყვა და მას ამის საშუალება მიეცა. გეთანხმებით, მაგრამ ბეგი ხშირად ამბობს ჩემთან პირად საუბრებში, რომ რა უნდა ამ ხალხს ჩემთან? მომცენ მუშაობის საშუალება, ყოველდღე ხომ არ შეიძლება ჩემზე წერონო? მე მას ნამდვილად არ ვიცავ, მას, უბრალოდ ასეა! ყველამ უნდა აგოს პასუხი მის საქციელზე. მე კიდევ ერთხელ გეტყვით, რომ ამ ქალბატონებს, მიუხედავად მათი პოლიტიკური შეხედულებებიდან გამომდინარე, არანაირი საფრთხე არ ემუქრებათ" _ განაცხადა გელა კობალაძემ.
