მაგარი ჩაი და ყავა იმათ ეხმარება, ვისაც ზედმეტი წონა აწუხებთ, მიდრეკილები არიან ალკოჰოლისკენ და სისხლში დიდი რაოდენობით რკინა აქვთ. ასეთ ადამიანებს მაგარი ყავა და ჩაი ღვიძლის მძიმე და სერიოზული დაზიანებისგან იცავს.
ღვიძლის ქრონიკული დაავადებები უფრო იშვიათად ვითარდება და მწვავდება, როცა ადამიანი ამ სასმელებს დასაშვები სიხშირით სვამს. დადებითი ეფექტი კი მათში შემავალ კოფეინს უკავშირდება.
გაითვალისწინეთ, რომ მათი დღიური ნორმა მთელი დღის განმავლობაში სამი-ოთხი ჭიქაა.
კუნელის ფოთლებისა და ნაყოფის ნაყენი დამაწყნარებელი და შარდმდენი საშუალებაა, ხელს უწყობს სისხლში ქოლესტერინის რაოდენობის შემცირებას, არეგულირებს ძილის ხარისხს, დაბლა სწევს არტერიულ წნევას და აუმჯობესებს გულის ჟანგბადით მომარაგებას. ნახევარ ჭიქა ხორცსაკეპ მანქანაში გატარებულ კუნელის ნაყოფსა და ფოთლებს დაამატეთ 1 სადილის კოვზი თაფლი, კარგად ათქვიფეთ და დღეში სამჯერ, ჭამამდე ნახევარი საათით ადრე მიირთვით.
