ქალაქ ოზურგეთი მერი ბეგლარ სიორიძე, ვიცე-მერი ალეკო ბურჭულაძე, საკრებულოს თავმჯდომარე გელა კობალაძე, ოზურგეთის მუნიციპალიტეტის საკრებულოს თავმჯდომარე დავით დარჩია, მუნიციპალიტეტის გამგებელი მერაბ ჭანუყვაძე, კულტურის სამსახურის უფროსი ნატალია ხომერიკი, თეატრის სამხატვრო ხელმძღვანელი ვასილ ჩიგოგიძე, ქორეოგრაფიის მოღვაწეთა კავშირის საპატიო წევრები გახდნენ.
ღონისძიება, რომელიც 7 მარტს ოზურგეთის მუნიციპალიტეტის სოფელ ნატანებში გაიმართა, ოზურგეთის მუნიციპალიტეტის გამგეობის მხარდაჭერითა და გამგეობის კულტურის, სპორტისა და ტურიზმის განვითარების სამსახურის ორგანიზებით მოეწყო.
ღონისძიებაზე იმყოფებოდნენ ქორეოგრაფები აჭარის, სამეგრელოსა და იმერეთის რეგიონებიდან. მათ შორის ომარ მხეიძე, ფრიდონ სულაბერიძე და რევაზ ჭანიშვილი. ანსამბლის დამფუძნებლებს მელის ნადირიძეს და ირმა სვანაძეს. ასევე, ქორეოგრაფ ზურა წულაძეს საქართველოს ქორეოგრაფიის მოღვაწეთა შემოქმედებითი კავშირისგან საპატიო სიგელები და ჯილდოები გადაეცათ.
"გურია ნიუსი" დაუკავშირდა ქალაქ ოზურგეთის ვიცე-მერ ალეკო ბურჭულაძეს, თუ რა დამსახურებისთვის გახდა ის ქორეოგრაფიის მოღვაწეთა კავშირის საპატიო წევრი, რაზეც გვპასუხობს, რომ ეს უნდა ვკითხოთ მათ, ვინც ეს გადაწყვეტილება მიიღო.
"ძალიან გთხოვთ, მიმართეთ მათ, ვინც მიიღო ეს გადაწყვეტილება. ჩემი მხრიდან დიდი მადლობა მათ, ეს არის ძალიან დიდი პატივი", _ გვითხრა ბურჭულაძემ.
ანსამბლ "კოლხას" ხელმძღვანელის, მელისს ნადირიძის თქმით, თუ რა დამსახურებისთვის და რა ღვაწლისთვის გახდნენ ოზურგეთის ხელისუფლების წარმომადგენლები ქორეოგრაფიის მოღვაწეთა კავშირის საპატიო წევრები, ისინი ანსამბლებს "კოლხასა" და "მანანურს" გვერდში დაუდგნენ და არაერთი დახმარება გაუწიეს.
"ეს გადაწყვეტილება ქორეოგრაფებმა ერთად მიიღეს, რა დამსახურებისთვის და ანსამბლებთან გვერდში დგომისთვის, თანადგომისთის."
