"
საქართველოს ცხოველთა დაცვის ფედერაცია სოციალურ ქსელში ქალაქ ოზურგეთის მერის ბეგლარ სიორიძის მისამართით ოფიციალურ განცხადებას და ფოტოს აქვეყნებს:
"გაიცანით ეს არის ოზურგეთის მერი ბეგლარ სიორიძე, ძაღლების მკვლელი გიორგი მაღლაფერიძის დამკვეთი, მფარველი და თანამზრახველი! ოზურგეთში თანამშრომლად ჰყავთ გაფორმებული გიორგი მაღლაფერიძე, რომელიც როგორც ყველამ ვიცით მასობრივად ხოცავს ძაღლებს. უსახლკარო ძაღლებს ძირითადად იჭერს გურიისა და სამეგრელო-ზემო სვანეთის რეგიონებში, რაიონების გამგეობები და მერიები უფორმებენ ხელშეკრულებას, მაღლაფერიძე მოქმედებს ოზურგეთის მუნიციპალიტეტის სახელით, რადგანაც იგი თანამშრომლად მხოლოდ ოზურგეთშია გაფორმებული. მას შემდგომ რაც ჩვენ მოვთხოვეთ ოზურგეთის თვითმმართველობას ცხოველთა პოპულაციის ჰუმანური მეთოდების დანერგვა-განხორციელება და ძაღლმკვლელი მაღლაფერიძის განთავისუფლება, მათ საკონცენტრაციო ბანაკს მიუშენეს დამატებითი ნაგებობა, რომელიც იდეაში თითქოს არის ",თავშესაფარი", სინამდვილეში ეს არის საზოგადოებისათვის თვალის ასახვევად აშენებული ნაგებობა, დაახლოებით ბოსტანის ტიპის. წელიწადში მაღაფერიძე იჭერს ათასობით ძაღლს, ადგილზე კი მხოლოდ 20-25 ძაღლი ჰყავს საჩვენებლად, თითქოს თავშესაფარი აქვს. დანარჩენ ძაღლებს კი ხოცავს და ყრის იქვე ამოთხრილ ორმოში. მოსახლეობაში გაავრცელა მისი ნომერი, ვინც კი დაურეკავს და ეტყვის რომ მას სურს თავშესაფარში ძაღლის ჩაბარება, გადაახდევინებს 10-15 ლარს და მერე ამ ძაღლებსაც ხოცავს ჩვეულებრივად და ყრის ორმოებში, ამ საჩვენებლად გაჩერებული ძაღებიდან ნაწილი იხოცება შიმშილით, ნაწილი – უწყლობით რადგანაც, ვერ წვდებიან შუაგულში დადგმულ დიდ ვედრას, რომელშიც ბინძური წყალი ასხია. საკვებზე კი საერთოდ ზედმეტია საუბარი. გაავრცელეთ ინფორმაცია, ბეგლარ სიორიძის მფარველობით ათასობით უმწეო ცხოველის იხოცება ძაღლმკვლელი მაღლაფერიძის ხელებით!
დღემდე ჩვენს მიერ არაერთი ძაღლი იქნა განთავისუფლებული ამ სასაკლაოდან. ამ მომენტშიც იქ იმყოფება საჩვენებლად მიყვანილი ძაღლები. ჩვენი ორგანიზაციის მხარდამჭერები იმყოფებოდნენ ადგილზე და ცდილობენ განთავისუფლებას. გაავრცელეთ ინფორმაცია, ერთად შევაჩეროთ ბეგლარ სიორიძისა და გიორგი (ადგილობრივებისათვის ცნობილი, როგორც ,,გოგი") მაღლაფერიძის ქმედებები და ფულზე გაყიდული ადამიანობა და ცხოველთა სიცოცხლე!
ქალაქ ოზურგეთის მერიის პრესსამსახური აღნიშნულთან დაკავშირებით ასეთ კომენტარს აკეთებს :
"ამჟამად ოზურგეთში უპატრონო ცხოველების მოქმედი თავშესაფარის მიმდებარე ტერიტორიაზე დამატებით ახალი თავშესაფრის მშენებლობა მიმდინარეობს, რომელიც უახლოეს მომავალში დასრულდება. ცხოველთა დაცვის ორგანიზაციების რეკომენდაციების გათვალისწინებით, აღნიშნულ თავშესაფარში ძაღლების ვაქცინაცია და დანომვრა მოხდება. ამავე რეკომენდაციის თანახმად, ვაქცინაციის შემდეგ ძაღლებს დაუსახლებელ ადგილებში გაუშვებენ. რაც შეეხება ქალაქის მერის, ბეგლარ სიორიძის აღნიშნულ საკითხში ჩართვას, უპატრონო ძაღლების პრობლემა ბეგლარ სიორიძის არჩევამდეც იდგა და დღეს მერის დადანაშაულება, რომ ის უპატრონო ცხოველებს ხოცავს, არ არის სამართლიანი მიდგომა"
