საქართველოს განათლებისა და მეცნიერების მინისტრის, თამარ სანიკიძის საკუთრებაში მხოლოდ ბათუმში გორგილაძის ქუჩაზე მდებარე 91.93 კვ.მ-ის ფართობის ბინა და 2007 წელს გამოშვებული ავტომობილი BMW X5-ია, რომელიც, სანიკიძის ქონებრივი დელარაციის მიხედვით, სხვა პიროვნებაზეა გაფორმებული.
ხოლო სანიკიძის მეუღლის, დავით ბარძიმაშვილის საკუთრებაში არსებულ ქონებას, ის მცხეთის რაიონის სოფელ გალავანში (კოტორაანთკარი) მდებარე 1000.00 კვ.მ-ის ფართობის მიწის ნაკვეთისა და 2005 წელს გამოშვებული მსუბუქი ავტომანქანა Nissan Patrol-ის 100%-იანი მფლობელია.
რაც შეეხება ოჯახის ფინანსურ მდგომარეობას, როგორც დეკლარაციაშია აღნიშნული, თამარ სანიკიძემ საქართველოს განათლებისა და მეცნიერების სამინისტროდან 75000.00 ლარის შემოსავალი მიიღო, ხოლო მეუღლემ, დავით ბარძიმაშვილმა სს საქორგგაზი დირექტორის მოადგილის თანამდებობიდან 68825.00 ლარის შემოსავალი.
გარდა ამისა, დეკლარაციაში აღნიშნულია, რომ დავით ბარძიმაშვილი შპს "საქგაზპროექტის" დირექტორია, საიდანაც შემოსავლის სახით ერთი წლის განმავლობაში 3000 ლარი აქვს მიღებული.
დეკლარაციის შევსების მომენტში კი, თამარ სანიკიძის საბანკო ანგარიშზე "თი–ბი–სი ბანკში" 7158.57 დოლარი, ხოლო დავით ბარძიმაშვილის სახელფასო ანგარიშზე ამავე ბანკში 225.00 ლარი იყო.
გარდა ამისა, სანიკიძეს ნაღდი ფულის სახით 3500 ლარი, ხოლო დავით ბარძიმაშვილს 2000 დოლარი ჰქონდა.
რაც შეეხება მინისტრის წინა წლების შემოსავლებს, 2014 წლის ქონებრივი დეკლარაციის მიხედვით, თამარ სანიკიძის შემოსავალმა ერთი წლის განმავლობაში განათლებისა და მეცნიერების მინისტრის პირველი მოადგილის თანამდებობაზე 19175.00 ლარი, ხოლო მინისტრობისთვის 44466.30 ლარი აიღო. 2015 წლის დეკლარაციის მიხედვით კი, მისი წლიური შემოსავალი 81250.00 ლარი იყო.
ქონებრივი დეკლარაციის მიხედვით, რომელიც მინისტრმა 2016 წლის 11 იანვარს შეავსო, ოჯახი არ ფლობს ფასიან ქაღადებსა და ძვირადღირებულ ნივთებს.
