მოქალაქეების პროგნოზები უფრო მართლდება ვიდრე დაზვერვის ექსპერტების

„The Washington Times“ გამოკვლევების შედეგებზე დაყრდნობით წერს, რომ ჩვეულებრივი მოქალაქეების წინასწარმეტყველებები უფრო ხშირად მართლდება ვიდრე ამერიკის ცენტრალური სადაზვერვო სააგენტოს პროგნოზები.

სამი წლის წინ 3 ათასი მოქალაქე დაპატიჟეს პროექტში „Good Judgment Project“. პროექტის ფარგლებში, გეოპოლიტიკურ კითხვებს პასუხობდნენ ჩვეულებრივი მოქალაქეები და სპეცსამსახურების ანალიტიკოსები. 3 წლის შემდეგ გაირკვა, რომ ჩვეულებრივი მოქალაქეების პროგნოზები 30%-ით უფრო ხშირად მართლდება, ვიდრე ექსპერტების.

პროექტის ერთ-ერთი ავტორის ფილიპ ტეტლოკის განცხადებით, კვლევის შედეგებმა ყველა გააკვირვა.