ოზურგეთის მერის, ბეგლარ სიორიძის ოჯახის საკუთრებაში 7 მიწის ნაკვეთი, სამი საცხოვრებელი სახლი, ბინა და ავტომობილია. ამის შესახებ სიორიძის ქონებრივ დეკლარაციაშია აღნიშნული, რომელიც მან 2016 წლის 17 ოქტომბერს შეავსო.
დეკლარაციის თანახმად, სიორიძის საკუთრებაშია 120 კვ.მ.-ის ფართობის მიწის ნაკვეთი კურორტ ბახმაროში; 400 კვ.მ. მიწის ნაკვეთი ოზურგეთის მუნიციპალიტეტის სოფელ ნატანებში (კაპროვანი); ოზურგეთში, ფარნავაზ მეფის ქუჩაზე მდებარე 613.60 კვ.მ-ის ფართობის მიწის ნაკვეთი და ამავე ტერიტორიაზე არსებული 116.40 კვ.მ-ის ფართობის საცხოვრებელი სახლი. ასევე, 20000.00 კვ.მ-ის ფართობის მიწის ნაკვეთი ოზურგეთში, სოფელ წითელმთაში.
რაც შეეხება სიორიძის მეუღლეს, ლელა თოიძეს, მის საკუთრებაშია 228.90 კვ.მ. ფართობის ბინა თბილისში, მცხეთის ქუჩაზე; 64 კვ.მ-ის ფართობის საცხოვრებელი სახლი და 452.00 კვ.მ. მიწის ნაკვეთი წავკისში; 20153.00 კვ.მ. მიწის ნაკვეთი და 198.00 კვ.მ. საცხოვრებელი ფართი ოზურგეთის მუნიციპალიტეტის სოფელ კონჭკათში. ლელა თოიძის საკუთრებაშია ასევე, 2011 წელს გამოშვებული მსუბუქი ავტომანქანა ჰიუნდაი ix 35.
ბეგლარ სიორიძის შვილი ნიკა სიორიძე კი ფლობს, დაბა ბაკურიანში, ("დიდველი") 932.00 კვ.მ-ის ფართობის მიწის ნაკვეთის 50%-იან წილს, რომლის თანამესაკუთრე ბააკა ბაბუნაშვილია. 2016 წლის დეკლარაციაში აღარ წერია სიორიძის შვილის, ნიკა სიორიძის ავტომობილი – ბმვ 528, (გამოშვების წელი 1998), გაასხვისა თუ გაყიდა მან ის, უცნობია.
რაც შეეხება ოჯახის ფინანსურ მდგომარეობას, როგორც დეკლარაციაშია აღნიშნული, მათი შემოსავალი ოზურგეთის მერიიდან, მერის თანამდებობისთვის მიღებული ბეგლარ სიორიძის ხელფასი – 35750 ლარი ყოფილა. ამავე თანამდებობიდან მას 2014 წელს – 11687 ლარი აქვს მიღებული.
ხოლო 2016 წლის დეკლარაციის შევსების მომენტში ბეგლარ სიორიძეს ვი–თი–ბი ბანკის სახელფასო ანგარიშზე 1000 ლარი, ხოლო ნაღდი ფულის სახით 11 000 ლარი ჰქონდა. მის მეუღლეს კი, 14 000 ლარი.
აქვე უნდა აღინიშნოს, რომ ბეგლარ სიორიძის ოჯახი 4 შპს-ს პარტნიორია, თუმცა არცერთი მათგანიდან, დეკლარაციის მიხედვით, მათ შემოსავალი გასულ წელს არ მიუღიათ.
კერძოდ, შპს. "ელეგანტი 2007-ის პარტნიორია ლელა თოიძე. შპს. "ავანგარდისა" და შპს. "ექსიმ კომპანის" პარტნიორია- ბეგლარ სიორიძე. ხოლო შპს ნიუ ლაინი New line-ის პარტნიორი ნიკა სიორიძე გახლავთ.
ქონებრივი დეკლარაციის მიხედვით, ბეგლარ სიორიძის სახელზე ორი სესხია.
40 000 დოლარი სიორიძეს 2014 წლის 20 ნოემბერს ზეპირი ხელშეკრულებით გაუსესხებია და გასულ წელს 20 000 დოლარის შემოსავალი მიუღია.
2015 წლის 12 ნოემბერს კი, "ვი თი ბი ბანკიდან" 21260-ლარიანი სამომხმარებლო სესხი აუღია (სესხის ვადა 2019 წლის 12 ნოემბერს იწურება) და გასულ წელს პროცენტის დასაფარად 584 ლარი გადაუხდია.
გარდა ამისა, დეკლარაციაში აღნიშნულია, რომ ბეგლარ სიორიძეს სოფლის მეურნეობის პროდუქციის რეალიზაციიდან 21000 ლარი აქვს მიღებული, ხოლო მის მეუღლეს ლელა თოიძეს 18000 ლარი. თუმცა, პროდუქტის დასახელება დეკლარაციაში მითითებული არ არის.
ამავე თემაზე:
