გარემოს ეროვნული სააგენტოს ცნობით, რამდენიმე დღის განმავლობაში, საქართველოს მთელ ტერიტორიაზე ნალექიანი ამინდი შენარჩუნდება. 4 დეკემბრის ჩათვლით საქართველოში მოსალოდნელია ცივი და ნოტიო ჰაერის მასების გავრცელება, წვიმა, მთაში თოვლი, ზოგან შესაძლებელია ძლიერი. 3-4 დეკემბერს საქართველოს ტერიტორიაზე, განსაკუთრებით შავი ზღვის სანაპირო რაიონებში, კოლხეთის დაბლობზე იქროლებს დასავლეთის მიმართულების ძლიერი ქარი.
