სამი ბინა თბილისში, ორი მიწის ნაკვეთი, სარდაფი და 300 000-ლარამდე წლიური შემოსავალი _ ეს საქართველოს უზენაესი სასამართლოს მოსამართლე ზურაბ ძლიერიშვილის ოჯახის ქონებრივი მდგომარეობაა, რომელიც მის დეკლარაციაშია ასახული.
დეკლარაციის მიხედვით, რომელიც ზურაბ ძლიერიშვილმა 2016 წლის 29 ნოემბერს შეავსო, მის საკუთრებაშია – თბილისში, ნუცუბიძის მე-3 მკ/რ-ში 44.00 კვ.მ ფართობის; დიდ დიღომში და ი.პეტრიწის ქუჩაზე 35.00 კვ.მის ფართობის ბინებია. ხოლო ბაგებში, 44.00 კვ.მ-ის ფართობის ბინა მისი მეუღლის, მაგდა ტატიშვილის საკუთრებაშია.
ძლიერიშვილი ასევე ფლობს, მიწის ნაკვეთს დუშეთში, სოფელ მჭადიჯვარში, რომლის ფართობი 7074.83 კვ.მ-ია; ამავე სოფელში მის საკუთრებაშია 1349.00 კვ.მ-ის ფართობის მიწის ნაკვეთის 33%-იანი წილიც.
რაც შეეხება მოსამართლის ოჯახის შემოსავლებს, როგორც დეკლარაციაშია აღნიშნული, ოჯახის საერთო შემოსავალი გასული წლის განმავლობაში ჯამში – 276 341,47 ლარი იყო. რაც წინა წლის შემოსავალთან შედარებით, 68 509,16 ლარით მეტია.
ზურაბ ძლიერიშვილი მოსამართლეობის პარალელურად, 9 უნივერსიტეტის პროფესორია, საერთო ჯამში კი, მხოლოდ უნივერსიტეტებიდან ერთი წლის განმავლობაში 146 436,57 ლარი აქვს მიღებული.
კერძოდ, ივ. ჯავახიშვილის სახ. თბილისის სახელმწიფო უნივერსიტეტი, მოწვეული პროფესორი 27500.00 ლარი; შპს. ქართულ-ამერიკული უნივერსიტეტი, მოწვეული პროფესორი 500.00ლარი; საქართველოს ტექნიკური უნივერსიტეტი, მოწვეული პროფესორი 15582.21 ლარი; შპს. გურამ თავართქილაძის სასწავლო უნივერსიტეტი პროფესორი 6144.36 ლარი; შპს. აღმოსავლეთ ევროპის სასწავლო უნივერსიტეტი, პროფესორი 22000.00 ლარი; გრიგოლ რობაქიძის სახელობის უნივერსიტეტი – იუსაიდი, პროფესორი 41250.00 ლარი; შპს. კავკასიის საერთაშორისო უნივერსიტეტი, პროფესორი 6250.00 ლარი; სსიპ-საქართველოს ადვოკატთა ასოციაციის სასწავლო ცენტრი, მოწვეული ლექტორი 2360.00 ლარი; სსიპ – გორის სახელმწიფო სასწავლო უნივერსიტეტი, პროფესორი 24 850.00 ლარი.
გარდა ამისა, ძლიერიშვილს საქართველოს უზენაესი სასამართლოდან 113 226.05 ლარი აქვს მიღებული.
რაც შეეხება მისი მეუღლის შემოსავლებს, მაგდა ტატიშვილს გასული წლის განმავლობაში ჯამში 16 678,85 ლარის შემოსავალი მიუღია. კერძოდ, საქართველოს ტექნიკური უნივერსიტეტი ასისტენტ-პროფესორის თანამდებობიდან – 4501.85 ლარი; შპს. აღმოსავლეთ ევროპის სასწავლო უნივერსიტეტი, ასისტენტ-პროფესორი – 8000.00 ლარი; ივანე ჯავახიშვილის სახ. თბილისის სახელმწიფო უნივერსიტეტი ასისტენტ-პროფესორის თანამდებობიდან კი, – 4177.00 ლარი.
დეკლარაციის შევსების მომენტში, ზურაბ ძლიერიშვილის სახელფასო ანგარიშზე „რესპუბლიკა ბანკში“ 19811.36 ლარი ირიცხებოდა; „თი-ბი–სი ბანკი“ სახელფასო ანგარიშზე – 940.40 ლარი; „ლიბერთი ბანკის“ სახელფასო ანგარიშზე – 1843.39 ლარი; „ბაზის ბანკი“ სახელფასო 1500.90 „ვი–თი–ბი ბანკის“ სახელფასო ანგარიშზე – 98.87ლარი; „პროკრედიტ ბანკის“ ანაბარზე 242.61 ევრო; „პროკრედიტ ბანკის“ ანაბარზე- 5419.99 დოლარი; „რესპუბლიკა ბანკის“ მიმდინარე ანგარიშზე 871.12 ევრო; ხოლო ნაღდი ფულის 25000.00 ლარი ჰქონდა.
რაც შეეხება მის მეუღლეს, დეკლარაციის შევსებისას, მაგდა ტატიშვილს „რესპუბლიკა ბანკის“ სახელფასო ანგარიშზე 1250 ლარი; „თი–ბი–სის ბანკის“ სახელფასო ანგარიშზე 250.00 ლარი ერიცხებოდა, ხოლო ნაღდი ფულის სახით 7000 ლარი ჰქონდა.
აღსანიშნავია, რომ მაგდა ტატიშვილი შპს აღმოსავლეთ ევროპის სასწავლო უნივერსიტეტის 4%-იანი წილის მფლობელია, თუმცა, დეკლარაციაში აღნიშნულია, რომ მას ამ უნივერსიტეტიდან შემოსავალი მიღებული არ აქვს.
ქონებრივი დეკლარაციის თანახმად, ოჯახის გასული წლის ხარჯები მთლიანად ზურაბ ძლიერიშვილს დაუფარავს.
კერძოდ, ავიაბილეთის შეძენა მას 1650.00 ევრო დაუჯდა; შვილის სწავლისთვის 6000 ლარი გადაიხადა; ახლო ნათესავის სწავლისთვის 7200.00 ლარი; მეუღლის სწავლის დაფინანსება საზღვარგარეთ 5500 ევრო დაუჯდა, ხოლო მკურნალობის ხარჯისთვის 15 000.00 ევროს გასავალი ჰქონდა.
რაც შეეხება წინა წლების შემოსავლებს, როგორც საჯარო სამსახურის ბიუროს ვებ-გვერდზე გამოქვეყნებული ქონებრივი დეკლარაციებიდან ირკვევა, 2014 წელს ძლიერიშვილის ოჯახის შემოსავალი ჯამში 207 832,31 ლარი იყო. აქედან, მხოლოდ ძლიერიშვილის შემოსავალი უნივერსიტეტებიდან და სხვა საქმიანობიდან – 162115,71 ლარი იყო, ხოლო უზენაესი სასამართლოდან 21968,75 ლარი. მისმა მეუღლემ კი, ჯამში 23747,85 ლარი მიიღო.
რაც შეეხება 2013 წელს, დეკლარაციიდან ირკვევა, რომ ზურაბ ძლიერიშვილმა ჯამში 164143.07 ლარის შემოსავალი მიიღო, ხოლო მისმა მეუღლემ – 9656.14 ლარი. ოჯახის საერთო შემოსავალი კი, ჯამში 173781,21 ლარი იყო.
ძლიერიშვილის ოჯახის საერთო შემოსავლები 2013-2015 წლების განმავლობაში, ჯამში ნახევარ მილიონ ლარს აჭარბებს – 657 954,99 ლარია.
