სამი ბინა, სამი კომერციული ფართი, ორი მიწის ნაკვეთი, ავტომანქანა და ავტოფარეხი საქართველოს ეკონომიკისა და მდგრადი განვითარების მინისტრის მოადგილის, გიორგი ჩერქეზიშვილის ოჯახის საკუთრებაშია.
ამის შესახებ გიორგი ჩერქეზიშვილის ქონებრივ დეკლარაციაშია აღნიშნული, რომელიც საჯარო სამსახურის ბიუროს ვებ-გვერდზე გამოქვეყნდა.
დეკლარაციის თანახმად, გიორგი ჩერქეზიშვილის 100%-იან საკუთებაშია 2016 წელს, 7500,00-დოლარად ნაყიდი 3000,00 კვ.მ-ის ფართობის მიწის ნაკვეთი მცხეთაში, სოფელ წინამძღვრიანთკარში;
2006 წელს, 45000,00-დოლარად შეძენილი 70,00 კვ.მ-ი ფართობის ბინა თბილისში,ქავთარაძის ქუჩაზე. 2008 წელს, 100 200,00-დოლარად ნაყიდი 167,10 კვ.მ-ის ფართობის ბინა თბილისში, ნუცუბიძის ქუჩაზე და ამავე წელს, ამავე მისამართზე, 5000,00-დოლარად შეძენილი 13,5 კვ.მ-ის ფართობის ავტოფარეხი;
ასევე, გიორგი ჩერქეზიშვილს ეკუთვნის, ოზურგეთში, სოფელ ნატანებში, მდებარე 1000,00 კვ.მ -ის ფართობის მიწის ნაკვეთი (თანამესაკუთრე – პაატა ლელაშვილი), რომელიც მას 2009 წელს, 2500,00-დოლარად შეუძეენია.
გარდა ამისა, მის საკუთრებაშია ცოტნე დადიანის 271 ნომერში მდებარე, 142,10 კვ.მ-ის კომერციული ფართი, რომელიც 2006 წელს 21 3150,00-დოლარად აქვს შეძენილი. ამავე მისამართზე არსებული 60,80 კვ.მ-ის კომერციული ფართის მფლობელი მისი მეუღლე ეთერ მოდებაძეა. ფართის შეძენის თარიღად დეკლარაციაში 2006 წელია აღნიშნული, ხოლო მასში 91200,00-დოლარია გადახდილი. კიდევ ერთი, 56,20 კვ.მ კომერციული ფართი ეთერ მოდებაძეს ამავე წელს, ამავე მისამართზე 84300,00-დოლარად შეუძენია.
ეთერ მოდებაძის 100,00% -იან საკუთრებაშია ასევე, 2009 წელს, 46000,00-დოლარად ნაყიდი 59,99 კვ.მ-ის ფართობის ბინა თბილისში, ვაჟა- ფშაველას II კვარტალში.
გიორგი ჩერქეზიშვილის საკუთრებაშია ასევე, 2014 წელს, 5500,00 -დოლარად ნაყიდი მსუბუქი ავტომანქანა Mercedes C200 (გამოშვების თარიღი 2003 წ).
რაც შეეხება ეკონომიკის მინისტრის მოადგილის ოჯახის ფინანსურ მდგომარეობას, როგორც ქონებრივ დეკლარაციაშია აღნიშნული, გიორგი ჩერქეზიშვილი ფლობს BGEO GROUP PLC -ის 524 აქციას, მათი ნომინალი 18,00 ბრიტანული გირვანქა სტერლინგია (ფასიან ქაღალდებში გადახდილი საფასური კი, 9432,00 ბრიტანული გირვანქა სტერლინგია).
ასევე, გიორგი ჩერქეზიშვილი ფლობს Caucasus Energy&Infrastructure 1116 აქციას რაშიც 1237,96 ლარი აქვს გადახდილი, ფასიანი ქაღალდის ნომინალი კი, 1,11 ლარია.
ჩერქეზიშვილის მფლობელობაშია Teliani Valley 981 აქციაც, რომელც მას 947,34ლარად აქვს შეძენილი, ხოლო მისი ნომინალი 0,97 ლარია.
რაც შეეხება მის ანგარიშებზე არსებულ თანხებს, როგორც დეკლარაციაშია აღნიშნული, შევსების მომენტისთვის, გიორგი ჩერქეზიშვილის “საქართველოს ბანკის” მიმდინარე ანგარიშებზე 4501,60 ლარი და 2754,79 ლარი ირიცხებოდა. ამავე ბანკის კიდევ ერთ მიმდინარე ანგარიშზე – 5472,16 ბრიტანული გირვანქა სტერლინგი 31,15 დოლარი იყო; დეპოზიტზე – 2900,00 ლარი; ანაბარზე- 1555,81 ლარი; ხოლო მეორე ანაბარზე – 1105,08 ლარი ჰქონდა.
რაც შეეხება ჩერქეზიშვილის მეუღლეს, ეთერ მოდებაძეს “რესპუბლიკა ბანკის” ანაბარზე 7607,75 დოლარი; ამავე ბანკის მიმდინარე ანგარიშზე – 150,33 ლარი და 8,28 დოლარი; საქართველოს ბანკის” ანაბარზე – 7938,17 დოლარი და 15520,28 ლარი; ხოლო მეორე ანაბარზე ამავე ბანკში 15520,28 ლარი ჰქონდა.
დეკლარაციაში ასევე აღნიშნულია, რომ გიორგი ჩერქეზიშვილმა კომერციული ფართის გაქირავებით (გაქირავების ვადა – 18.11.2016, 22.11.2016-18.12.2021, ღირებულება – 14544,00 დოლარი) გასულ წელს 2424,00 დოლარის შემოსავალი მიიღო. ხოლო დივიდენდიდან 414,01 ბრიტანული გირვანქა სტერლინგის შემოსავალი მიუღია.
რაც შეეხება ოჯახის გასავლებს, როგორც დეკლარაციაშია აღნიშნული, ეთერ მოდებაძეს 2016 წელს, 49300,00 დოლარის სესხი აქვს აღებული (ვადის ამოწურვის თარიღი – 27.07.2027), რისთვისაც „რესპუბლიკა“ ბანკისთვის 48312,00 დოლარი გადაუხდია.
ხოლო გიორგი ჩერქეზიშვილს საქართველოს ბანკიდან აღებული 40000,00 დოლარის იპოთეკური სესხის დასაფარად 2016 წელს 6926,00 დოლარი აქვს გადახდილი.
დეკლარაციაში ასევე აღნიშნულია, რომ გიორგი ჩერქეზიშვილ სწავლის საფასური 2700,00 ევრო გადაუხდია.
ცნობისთვის, ეკონომიკის მინისტრის მოადგილედ გიორგი ჩერქეზიშვილი 2017 წლის მარტის დასაწყისში დაინიშნა.
მისი საკურატორო სფეროები სამინისტროში – ტრანსპორტი, კავშირგაბმულობა, მეწარმეობა, ინვესტიციები და ინოვაციებია.
გიორგი ჩერქეზიშვილმა ამ თანამდებობაზე დავით ხუციშვილი ჩაანაცვლა, რომელმაც თანამდებობა საკუთარი განცხადების საფუძველზე დატოვა.
ამავე თემაზე:
ქონებრივი დეკლარაციების მონიტორინგი და შესამოწმებელ თანამდებობის პირთა სია
