გარემოს ეროვნული სააგენტო 8 – 14 მაისს მოსალოდნელი ამინდის პროგნოზს აქვეყნებს.
უწყების ინფორმაციით, 8 – 11 მაისს საქართველოში ნარჩუნდება დროგამოშვებით წვიმიანი ამინდი, აღმოსავლეთ საქართველოში ზოგან შესაძლებელია სეტყვა.
“ჰაერის ტემპერატურა +22, +27 გრადუსი იქნება. 11 მაისს დასავლეთ საქართველოში ჰაერის ტემპერატურა +12, +17, აღმოსავლეთ საქართველოში +15, +20 გრადუსამდე დაიკლებს, ზოგან იქროლებს დასავლეთის მიმართულების ძლიერი ქარი. 12 მაისს ქვეყნის ტერიტორიის უმეტეს ნაწილზე გამოიდარებს და 15 მაისამდე ხანმოკლე წვიმა მოსალოდნელია მხოლოდ ცალკეულ რაიონში. ჰაერის ტემპერატურა მოიმატებს”, _ აცხადებენ უწყებაში.
