საქართველოს პრემიერ-მინისტრი, გიორგი კვირიკაშვილი, მეუღლესთან და სამ შვილთან ერთად ცხოვრობს. მიმდინარე წლის იანვარში შევსებული ქონებრივი დეკლარაციით ირკვევა, რომ მთავრობის მეთაური 217,31 კვ.მ. ფართის საცხოვრებელ სახლს და 433,00 კვ.მ მიწის ფართობს ფლობს თბილისში, სხვიტარიძის #25-ში.
დეკლარაციის თანახმად, სახლში 80 000 ლარია გადახდილი.
გიორგი კვირიკაშვილი 34.00 კვ.მ. ფართის ბინა ფლობს თბილისში, სამგორის რაიონში, რომელშიც 10 000 ლარია გადახდილი.
ამავე დოკუმენტით ირკვევა, რომ პრემიერ-მინისტრს 100000 ლარი დაუჯდა აგარაკის აშენება დუშეთის რაიონის სოფელ ქვეშეთში. ამავე სოფელში 3475 კვ.მ მიწის ნაკვეთის შესაძენად მთავრობის მეთაურმა 36 500 ლარი გადაიხადა.
აგარაკი საჯარო რეესტრში 2016 წელს არის რეგისტრირებული.
დეკლარაციის შევსების დროს გიორგი კვირიკაშვილს „ბანკი ქართუს“ სახელფასო ანგარიშზე 2094,17 ლარი ჰქონდა; „თი ბი სი“ ბანკის მიმდინარე ანგარიშზე 20.95 დოლარი; ბანკის ქართუს მიმდინარე ანგარიშებზე _ 15.52 დოლარი, 3,84 ევრო და 3,49 ლარი.
მისი მეუღლის ანგარიშზე კი, რომელიც „ქართუშია“ გახსნილი 304,65 ლარი და 25200 დოლარი იყო.
პრემიერის ქალიშვილის, ნინო კვირიკაშვილის ანგარიშზე, დეკლარაციის შევსების დროს „თი ბი სი“ ბანკის მიმდინარე ანგარიშზე 1243.96 ლარი იყო; ანაბარზე 31.80 ლარი, საქართველოს ბანკის მიდინარე ანგარიშებზე კი 9589, 50 ლარი და 19.98 ევრო.
დეკლარაციის შევსების დროს გიორგი კვირიკაშვილის შვილებს ნაღდი ფულიც ჰქონდათ: ნინო კვირიკაშვილს 5000 ლარი, ხოლო გიორგი კვირიკაშვილს_ 7000 ლარი.
დეკლარაციის თანახმად, გასულ წელს, პრემიერის შვილებმა ნინომ და გიორგიმ 10000-10000 ლარი საჩუქრად პაპისგან მიიღეს.
რაც შეეხება კრედიტებს _ პრემიერს 173500 დოლარის იპოთეკური კრედიტი 2015 წელს „ქართუ“ ბანკიდან აქვს გამოტანილი და გასულ წელს 20507 დოლარი გადაიხადა. მის მეუღლეს, მაია ცინაძეს 48 800 დოლარის იპოთეკური სესხი ჰქონდა, რომელიც 2015 წელს არის აღებული ბანკიდან და გასულ წელს დაასრულა, ამისთვის კი 53023,54 დოლარი გადაიხადა.
გასულ წელს, მაია ცინაძემ 118800 დოლარის შემოსავალი მიიღო:
_ „ნასყიდობა. ხელშეკრულება საკუთრების უფლების დათმობაზე“ _ ასეა განმარტებული დეკლარაციაში პრემიერის მეუღლის ექვსნიშნა შემოსავალი.
მთავრობის მეთაურმა გასულ წელს შვილის, გიორგი კვირიკაშვილის სწავლისთვის 3233 ლარი გადაიხადა, მისმა მეუღლემ კი ნიკოლოზ კვირიკაშვილის სწავლის საფასური _ 3000 ლარი დაფარა.
პრემიერ-მინისტრის ქალიშვილმა, რომელიც „საქართველოს ბანკის“ საინვესტიციო ოფიცერია, ხელმოწერის ბონუსად 12 5000 ლარი და სწავლის გრანტი _ 2343,75 ლარი მიიღო.
აღსანიშნავია, რომ გასულ წელს, გიორგი კვირიკაშვილმა, როგორც ქვეყნის პრემიერ-მინისტრმა ხელფასის სახით 51369 ლარი მიიღო; მისმა მეუღლემ აუდიტის დეპარტამენტის სტაჟიორად მუშაობის დროს _ იანვრიდან სექტემბრამდე 4900 ლარი, ხოლო ოქტომბრიდან დეკემბრამდე, უკვე როგორც აუდიტის დეპარტამენტის თანამშრომელმა _ 6916 ლარი.
