ადვოკატთა ასოციაციის თავმჯდომარეობის კანდიდატები: დავით ლანჩავა, ლევან ჯანაშია და ირმა ჭკადუა მოქმედ თავმჯდომარეს ზაზა ხატიაშვილს არჩევნების გაყალბებაში ადანაშაულებენ. კანდიდატები შესაბამისი მტკიცებულებების წარედგენას საერთაშორისო ორგანიზაციებსა და დიპლომატიური კორპუსის წარმომადგენლებისთვის აპირებენ. მოქმედი თავმჯდომარე ზაზა ხატიაშვილი ,,გურია ნისუთან“ მის მიმართ გამოთქმულ კრიტიკას ემახურება, როგორც ხატიაშვილი აცხადებს, არჩევნების გაყალბებას ადვოკატთა ასოციაციის თავმჯდომარეობის ერთ-ერთი კანდიდატი დავით ლანჩავა სცდილობდა.
,,იმისთვის, რომ არჩევნების გაყალბება დასადასტურდეს საჭიროა მტკიცებულებების წარდგენა. ყველა კანდიდატმა მადლობა გადამიხადა ასეთი დემოკრატიული არჩევნები ჯერ არ ჩატარებულაო. თავად ჯანაშიას წარმომადგენელმა გამოხატა ჩემს მიმართ პატივისცემა. სანამ არჩევნები დამთავრდებოდა დავით ლანჩავამ დაიწყო ყვირილი დენი ქრება და არჩევნები ყალბდებაო. მე კი სასწრაფოდ ყუთები დავალუქინე და დაცვას გავატანინე, რაც კადრები კარგად ჩანს. არჩევნების ჩაშლა უნდოდა დავით ლანჩავას, ეს ადამიანი არის მოსაკვეცი პროფესიიდან. მე ვაპირებ ადვოკატთა კორპუსს შევხვდე, რათა ეს ადამიანი უნდა მოიკვეცოს ადვოკატთა კორპუსიდან, იმიტომ, რომ ლანჩავა არჩევნების ჩაშლას სცდილობდა“-განცხადა ზაზა ხატიაშვილმა.
ადვოკატთა ასოციაციის თავმჯდომარეობის კანდიდატი დავით ლანჩავა, აცხადებს, რომ ხატიაშვილი არჩევნების გაყალბების მიზნით ბიულეტინებს ჯიბეში იდებდა. მისი თქმით, სირცხვილია, როცა იურისტები ასეთი სახით სცდილობენ არჩევნების გაყალბებას.
,,ერთი და იმავე დროს ვნახეთ ყალბი დოკუმენტები, დავიჭირეთ ხატიაშვილი, როგორ იდებს ჯიბეში ბიულეტენებს, ქრება შუქი და ა.შ. ზაზა ხატიაშვილია გამყალბებელი. კაცს, რომელსაც პრეტენზია აქვს, რომ დემოკრატიულად ჩაატარა არჩევნები, ჯიბეში იდებს გაყალბებულ ბიულეტენებს. განვითარებული მოვლენების შემდეგ, მხოლოდ სამართლებრივი გზა რჩება. ჩავრთავთ საერთაშორისო ორგანიზაციების წარმომადგენლებს და ვაჩვენებთ ფაქტებს. სირცხვილია, როდესაც იურისტები დოკუმენტებს აყალბებენ”- განაცხადა დავით ლანჩავამ.
შეგახსენებთ, რომ ადვოკატთა ასოციაციის თავმჯდომარის არჩევნები 9 დეკემბერს გაიმართა. ადვოკატთა ასოციაციის თავმჯდომარის არჩევნებში დავით ასათიანმა 1128 ხმა მიიღო. ლევან ჯანაშიამ- 632 ხმა; ლანჩავა დავითი -160; ჭკადუა ირმა -53; ებრალიძე დავითი – 31; ბესელია იასონ -10; გაგნიძე გრიგოლი – 3; ოსეფაშვილი ვასილ -3; ჩხაიძე ელგუჯა -3 ხმა; მარგიანი ონისე -2 ხმა; ჯაოშვილი ვაჟა -2; კობაიძე ალექსი- 1 ხმა.
