ვინ დაიწყო აგვისტოს ომი?_ დამოუკიდებელი საპრეზიდენტო კანდიდატი, სალომე ზურაბიშვილი, რომელსაც, შესაძლოა, მმართველმა პარტიამ მხარი დაუჭიროს, აგვისტოს ომიდან 10 წლისთავზეც ფიქრობს, რომ ომი საქართველოს ხელისუფლებამ დაიწყო.
უგნურობა, პრეზიდენტის ახირება, უცნაური და გაუგებარი გარიგება_ რა შეიძლება ეწოდოს საქართველოს ყოფილი პრეზიდენტის, მიხეილ სააკაშვილის ქმედებას? ზურაბიშვილმა ამ კითხვას პასუხი თვად გასცა.
,,იმ მომენტში (2008 წელს) პროვოკაციაზე აყოლა და შენს ტერიტორიაზე, შენს მოსახლეობაზე მასიური დაბომბვის დაწყებას რა ჰქვია _ უგუნურება, გიჟი პრეზიდენტის ახირებa, თუ რაღაც უცნაური და გაუგებარი გარიგება ჩვენს საუკუნოვან მტერთან?“, _განაცხადა ზურაბიშვილმა.
კითხვაზე, როგორ შეიძლება შეფასდეს ზურაბიშილის აღნიშნული განცხადება? _ ექსპერტი პოლიტიკის საკითხებში, სოსო ცისკარიშვლი ირონიით გვპასუხობს და გვეუბნება, რომ კარგი იქნებოდა, ზურაბიშვილისთვის ბოდიში მოგვეხადა და გვეთქვა, რომ ჩვენ ვართ ყველაფერში დამნაშავე.
„10 წელი გადის და რადგან ადამიანი ერთსა და იმავეს ამბობს, სიჯიუტის ნიშანია. იქნებ ზურაბიშვილს ბოდიში მუვუხადოთ და ვუთხრათ, რომ დიახ, ჩვენ ვართ ყველაფერში დამნაშავე. 10 წლის წინანდელი განცხადება იმდენად მნიშვნელოვანი არ არის, რამდენედაც დღეს გაკეთებული განცხადება. საკითხავია, ვინ იზიარებს მის მოსაზრებას, ყოველ შემთხვევაში, ის ბევრი ადამიანისთვის მისაღები პოლიტიკოსი ვერ იქნება.
ის ფაქტი, რომ რუსეთი ოკუპანტია ჩვენს ლექსიკაში ღრმად არის დაფუძნებული, საუბარი კი იმაზე, რომ საქართველომ წამოიწყო ომი, მხოლოდ და მხოლოდ, ,,ნაციონალური მოძრაობის“ მიჭირხვნის სურვილს ემსახურება“, _ გვითხრა ცისკარიშვილმა.
მმართველ პარტიასა და მთავრობაში ერიდებიან ზურაბიშვილის განცხადებაზე კომენტარის გაკეთებას. ხოლო, რაც შეეხება ბიძინა ივანიშვილის პოზიციას, როგორც ზურაბიშვილმა განაცხადა, პარტიის ლიდერმა აზრი თავად უნდა დააფიქსიროს.
