“საკითხი დღის წესრიგიდან მოხსნილია” _ არჩილ თალაკვაძე

საპარლამენტო უმრავლესობის ლიდერი არჩილ თალაკვაძე მოსამართლეების შემადგენლობის დამტკიცების საკითხს გამოეხმაურა. ამის შესახებ მან ჟურნალისტებთან ილაპარაკა.

“ჩვენთვის მთავარია, რომ სასამართლოს დამოუკიდებლობა დაცული იყოს და უზენაესი სასამართლოს შემადგენლობა დროულად დაკომპლექტდეს, რადგან 28 მოსამართლის ნაცვლად, 10 მოსამართლე საქმიანობს, რაც იმას ნიშნავს, რომ მოქალაქეები საკუთარ საქმეებზე გადაწყვეტილებას ელოდებიან და ეს დროში გახანგრძლივებულია. დაუშვებელია, რომ მოსამართლეების შემადგენლობის დამტკიცება კიდევ დიდი ხნით გადაიდოს. პოლიტიკური შეთანხმება მიღწეულია, რომ რეგულაციებს ვიმუშავებთ, რაც კრიტერიუმებს მოიცავს. ეს კანონის სახით დამუშავდება და კანონს უკუძალა ექნება. რაც შეეხება სიის გაწვევა-არგაწვევის საკითხს, ეს თემა დღის წესრიგიდან მოხსნილია”, – განაცხადა თალაკვაძემ.