ვერძი _ ამ ნიშნის ადგილი ჰოროსკოპში არის -1, ამიტომ ეს ნიშნები ყველგან და ყველაფერში პირველობას ცდილობენ. ვერძი – ძალიან ეგოისტური ნიშანია. ვერძი მებრძოლია, დაუოკობელი და შერკინებისაკენ მსწრაფი. არიან იდეალისტები და რომანტიკოსები. სამწუხაროდ, ვერძი ადვილად ივიწყებს ცხოვრების გაკვეთილებს და ხშირად მარცხისა და შეურაცხყოფის შემდეგაც ისეთივე მიმნდობი რჩება.
ვერძის ნიშნით დაბადებულთათვის იღბლიანი რიცხვია: 9 და ყველა რიცხვი, რაც 9-ზე იყოფა.
კურო _ კურო – თბილი, მეგობრული, ნაზი და ვნებიანი ადამიანია, თუმცა შეიძლება ეს არც გამოაჩინოს. მიზნის მისაღწევად კურო ძალას იყენებს. მათ იციან, რაც უნდათ და ბეჯითად შრომობენ მისთვის. კურო მეტისმეტად მატერიალისტია, ხშირად ადგენს ფულის მომტან გეგმებს.
კუროს ნიშნით დაბადებულთათვის ბედნიერი რიცხვია: 6 და ყველა რაც 6-ზე იყოფა.
ტყუპები _ მრავალმხრივობა – ტყუპების ერთ-ერთი მახასიათებელია. არიან გონებამახვილნი და საზრიანნი. სწორედ ეს, ხშირად იწვევს მათში თვითკმაყოფილებას და ამპარტავნებას. ისინი საკმაოდ ემოციურნი არიან და ახასიათებთ განწყობის სწრაფი ცვლა.
ტყუპების იღბლიანი რიცხვი: 5 და ყველა სხვა რიცხვი, რომელიც 5-ზე იყოფა.
კირჩხიბი _ კირჩხიბი ძალიან მორცხვია და უარის თქმას უფრო მეტად ერიდება, ვიდრე ყველა სხვა ნიშანი ერთად აღებული. ამავე დროს იგი საკმაოდ პატივმოყვარეა. არის ძლიერი და გაბედული. კირჩხიბი კომფორტის მოყვარე ნიშანია. ის ძალიან ეჭვიანია და იშვიათად ავლენს საკუთარ “მეს” სასიყვარულო საქმეებში და ბიზნესში.
ამ ნიშნით დაბადებულთათვის ბედნიერი რიცხვია: 2 და ყველა რიცხვი, რომელიც 2-ზე იყოფა.
ლომი
ლომს გააჩნია უკიდურესი პატივმოყვარეობა და სიამაყე. ლომს გონება კარგად აქვს განვითარებული. ის ინტელექტითა და მაგნეტიზმით არის დაჯილდოებული. ამ ნიშნის ადამიანები ბუნებით ხელმძღვანელები და მმართველები არიან. ლომის ნიშნისანები მეგობრულნი, მაგრამ გრძნობებში არცთუ ღრმანი გახლავთ.
ლომებისთვის იღბლიანი რიცხვებია: 1 და 11.
ქალწული _ ქალწულის ნიშნიანები მძლავრად განვითარებული ანალიტიკური ჭკუით არიან აღჭურვილნი. ქალწული წარმატებას აღწევს ლოგიკაში, წესრიგში, თანმიმდევრობასა და დისციპლინაში. ქალწული ხშირად გულჩათხრობილია და შესაძლოა ზომაზე ფრთხილიც. ქალწული – დაბადებითი კრიტიკოსია. საუკეთესიდ ახასიათებს მას სიტყვა – ულიტარისტი.
მათი ბედნიერი რიცხვია: 5 და ყველა, რაც 5-ზე იყოფა.
სასწორი
სასწორს ძალიან სჭირდება თავისი რწმენა და ჰარმონია. სასწორი გონიერებით გამოირჩევა და რჩევის საკითხავად მრავალი აკითხავს. იგი ამავე დროს გულწრფელი მეგობარია და მუყაითი, საქმიანი პარტნიორი. სასწორის დამოუკიდებლობა ურყევია.
სასწორის ნიშნით დაბადებული ადამიანებისთვის ბედნიერი რიცხვია: 6 და ყველა, რაც 6-ზე იყოფა.
ღრიანკალი _ ღრიანკალი მძლავრი ნებისყოფითაა აღჭურვილი. ღრიანკალი წარმატებისთვის უფრო მეტი ენერგიით იბრძვის, ვიდრე დანარჩენი ნიშნები ერთად აღებული. ღრიანკალი ძალიან ემოციურია. იგი სიტყვაძვირია, თავნება. გარდა ამისა, ყველაფრის საიდუმლოდ შენახვა უყვარს.
მათი იღბლიანი რიცხვები: 9 და ყველა, რაც 9-ზე იყოფა.
მშვილდოსანი _ მშვილდოსნები მოუსვენრები არიან: ისინი მუდამ აფართოვებენ თავიანთ პიროვნებას. მშვილდოსანს ყოველივე უცხო ხიბლავს. მას სწრაფად მოსდით თავში სხვადასხვა იდეები, მათი წარმატება კი ხშირად ინტუიციურ წინათგრძნობაზე არის დამყარებული. მშვილდოსანი საკმაოდ რომანტიკული და ვნებიანია. ის ხშირად ძალიან მარტოსულია.
მშვილდოსნების იღბლიანი რიცხვებია: 3 და ყველა რიცხვი, რაც 3-ზე იყოფა.
თხის რქა _ თხის რქას იშვიათად აკმაყოფილებს ის, რაც სხვას წარმატებად მიაჩნია. თხის რქას მარტოობისკენ აქვს მიდრეკილება. მისი ბედნიერება მუყაით შრომაშია. ის დარწმუნებული უნდა იყოს ყოველი ნაბიჯის უსაფრთხოებაში. ცდილობს, რომ მის ირგვლივ იყოს გონებამახვილი, უდარდელი ხალხის საზოგადოება, რათა მისი კონსერვატიული განწყობილება გააქარვოს.
ამ ნიშნით დაბადებულების ბედნიერი რიცხვია: 8 და ყველა, რაც 8-ზე იყოფა.
მერწყული _ მერწული მეამბოხე და ფიცხია. ის გამღები ნიშანია. ეს ხალხი ნამდვილი სიბეჯითით გამოირჩევა. მისი თვისებებია ორიგინალობა და თვითგამოხატვა. მერწყულნი არასდროს არიან გულგრილნი. ისინი ასევე საოცრად მოწესრიგებული ხალხია.
გამორჩეული ბედნიერი რიცხვი არ აქვს.
თევზები _ მთელს ზოდიაქოში თევზი ყველაზე ექსცენტრიულია. ის სრულიად უანგაროა. ამ ხალხს უყვარს ოცნებებში ცხოვრება. იგი მართალი პიროვნებაა, მაგრამ ბევრს მოიგებდა, მეტ რეალიზმს, მკაცრ დისციპლინასა და პრაქტიკულობას თუ მოუხმობდა. ამ ნიშნის ხალხი ძალზე დაბნეული და გულმავიწყია.
თევზების ნიშნით დაბადებული ადამიანების ბედნიერი რიცხვია: 7 და ყველა, რაც 7-ზე იყოფა.
